9 რჩევა იდეალური ყავის მოსადუღებლად - Gemrielia.ge

9 რჩევა იდეალური ყავის მოსადუღებლად

გსურთ დატკბეთ ყავის საოცარი არომატით ყოველდღიურად? მაშინ გაითვალისწინეთ ჩვენი რჩევები.


1. პირველი პირობა გემრიელი ყავის მოსადუღებლად არის, სუფთა წყალი. დაივიწყეთ ონკანის წყალი, თუკი გსურთ, დატკბეთ ყავის იდეალური არომატით.

2. არ იჩქაროთ, როცა თურქულ ყავას ადუღებთ. დადგით ჯეზვე ყველაზე დაბალ ცეცხლზე. გვესმის, რომ გეჩქარებათ პირველი ყლუპის დალევა, მაგრამ დაიმახსოვრეთ – ყავას დიდხანს ხარშვა უხდება.

3. თურქული ყავის მოსადუღებლად გამოიყენეთ ვიწროყელიანი ჯეზვე. ამ შემთხვევაში ბევრად არომატული ყავა გამოგივათ.

4. ხარშვისას დაუმატეთ მწიკვი მარილი. დიახ, დიახ მარილი. სულ რაღა 2-3 მარილის კრისტალი, მატი კი არა. მარილის გემო არ უნდა იგრძნობოდეს, მისი ფიშკა იმაშია, რომ მარილი რაღაცნაირად ხელს უწყობს ყავის არომატისი გაძლიებას. გამოცდილია.

5. თუ გაქვთ, დაუმატეთ სულ ცოტა გახეხილი ჯანჯაფილი. მარილიცა და ჯანჯაფილიც მაშინ ჩაყარეთ ჯეზვეში, როცა ყავას წყალს დაასხამთ.

6. თუ უშაქრო ყავას ვერ სვამთ, გამოიყენეთ ცოტაოდენი ყავისფერი შაქარი.

7. მნიშვნელოვანია, რომ არ აადუღოთ ყავა. როგორც კი ზემოდან ქაფი ამოწევას დაიწყებს – გადმოდგით ჯეზვე ცეცხლიდან. დააცადეთ ცოტა ხანს და ისევ დადგით გაზე, ასე გაიმეორეთ 3-ჯერ. თუ ზემოდან მოდებული ქაფი დაირღვა, მის ქვეშ დარჩენილი მთელი არომატიც გაქრება.

8. გამოიყენეთ მხოლოდ ხარისხიანი ყავის მარცვლები და უმჯობესია თავად დაფქვათ ისინი.

9. როცა ყავა მზად იქნება, მაშინვე ნუ ჩამოასხამთ ფინჯნებში. აცადეთ თუნდაც 30 წამი, რომ ჯეზვეში დადგეს სასმელი. ასე ყავას მეტად ერთგვაროვანი კონსისტენცია ექნება.