როგორ შევღებოთ სააღდგომო კვერცხები სხვადასხვა ფერად და თან მხოლოდ ბუნებრივი საშუალებებით? - ნახეთ 8 მარტივი მეთოდი
ზოგადად, კვერცხი სიცოცხლის სიმბოლოდაა მიჩნეული. სააღდგომო კვერცხი კი არის სიმბოლო უფლის აღდგომისა, ასევე მიცვალებულთა მკვდრეთით აღდგომისა და მომავალ ცხოვრებაში ჩვენი აღდგომა-განახლებისა.
წითელ პარასკევს მართლმადიდებელი ქრისტიანები სააღდგომოდ კვერცხებს წითლად ღებავენ. ზოგი ენდროთი აძლევს ფერს კვერცხებს, ზოგი ხახვის ნაფცქვენს იყენებს და სხვა ბუნებრივ საშუალებებს. აუცილებლად უნდა უფრთხილდეთ ზოგიერთ ქიმიურ საღებავს, რადგან ამან შეიძლება თქვენს ჯანმრთელობას ზიანი მიაყენოს.
საზოგადოების გარკვეული ნაწილი სააღდგომო კვერცხებს არამხოლოდ წითლად, არამედ სხვა ფერებადაც ღებავენ. ამიტომაც ჩვენ გასწავლით როგორ შეღებოთ სააღდგომო კვერცხები სხვადასხვა ფერად ბუნებრივი საშუალებების გამოყენებით.
1. ქვემოთ ჩამოთვლილი ფერებიდან, რომელ ინგრედიენტსაც აირჩევთ ფერის მისაღებად, ეს ინგრედიენტი მოხარშეთ 2 ჭიქა წყალთან ერთად (დახურულ მდგომარეობაში) 15-დან 30 წუთის განმავლობაში:
- 2 ჭიქა გახეხილი ჭარხალი = მოწითალო ვარდისფერი თეთრ კვერცხზე, მუქი ბორდოს ფერი ყავისფერ კვერცხზე
- 2 ჭიქა წითელი ხახვის კანი = მოწითალო ფორთოხლისფერი თეთრ კვერცხზე ან წითელი ყავისფერ კვერცხზე
- 2 ჭიქა ყვითელი ხახვის კანი = ფორთოხლისფერი თეთრ კვერცხზე, ჟანგიანი წითელი ყავისფერ კვერცხზე
- 1/4 ჭიქა დაფქული კურკუმა = ყვითელი კვერცხი
- 2 ჭიქა დაჭრილი იასამნისფერი კომბოსტო და 1/4 ჭიქა დაფქული კურკუმა = მწვანე კვერცხი
- 2 ჭიქა დაჭრილი იასამნისფერი კომბოსტო = ლურჯი თეთრ კვერცხზე, მწვანე ყავისფერ კვერცხზე
- 2 ჭიქა მოცვი = ლურჯი კვერცხი
- 2 ჭიქა გამხმარი ჰიბისკუსის ყვავილები = ლავანდის ან ინდიგოს კვერცხი
2. გადაწურეთ სითხე. დაამატეთ 1 სუფრის კოვზი გამოხდილი თეთრი ძმარი ყოველ 1 ჭიქა დაწურულ საღებავ სითხეს.
3. საღებავ სითხეში დაასველეთ კარგად მოხარშული კვერცხი და შედგით მაცივარში. (2 ჭიქა საღებავი სითხე შეღებავს 6 კვერცხს)
4. კვერცხები გააშრეთ და გააპრიალეთ ცოტა ზეთით, რომ ბზინვარდეს.
თქვენი ფერადი სააღდგომო კვერცხებიც მზადაა!
