დააყენეთ ძალიან მაგარი ჩაი ( 300 მლ წყალზე დაახლოებით 5 ჩ.კ. ჩაი). გაწურეთ და ცხელი დაასხით ქიშმიშსა და ალუბლის ჩირს. 15 წუთის შემდეგ დაამატეთ რომი და დატოვეთ მთელი ღამე.დილით ქიშმიშს (გადაწურვის გარეშე) დაამატეთ შაქარი, კვერცხი და აურიეთ. გაცერით ფქვილი და გამაფხვიერებელი ერთად, შეურიეთ სუნელები. ჩაამატეთ ქიშმიშიან მასაში და კარგად აურიეთ. ფორმას წაუსვით ცხიმი ან ჩააფინეთ ქაღალდი და გადაიტანეთ ცომი. გამოაცხეთ 160 გრადუსზე, დაახლოებით 1 საათი.მიირთვით მხოლოდ ჩაისთან ერთად და ჯეინ ოსტინის წიგნის თანხლებით