130 მლ თბილ წყალში გახსენით საფუარი. ცალკე ჯამში აურიეთ ფქვილი, შაქარი, რძის ფხვნილი და მწიკვი მარილი. საფუარი რომ გაიხსნება, მოზილეთ ცომი, რომელიც ხელზე არ ეწებება და ელასტიურია. დადგით სითბოში ასაფუებლად. ცომი რომ გაორმაგდება, მზადაა გამოსაყენებლად. მანამდე მოამზადეთ კრემი.რძე გააცხელეთ. ცალკე ათქვიფეთ კვერცხი, სახამებელი, შაქარი და დაასხით ცხელი რძე. კარგად გახსენით და დააბრუნეთ ცეცხლზე. ხარშეთ სანამ შესქელდება. თან ხშირად ურიეთ. გადმოდგით, ცოტა გააგრილეთ და შეურიეთ ვანილი და კარაქი. შემდეგ კრემს დააფარეთ ცელოფანი უშუალოდ ზედაპირზე და გააციეთ. ცომი გაყავით 10 თანაბარ ნაწილად. თითოეული მოგრძო ფორმით გააბრტყელეთ, წაუსვით კრემი და რულეტივით გადაახვიეთ. გადაიტანეთ ფორმაში ერთმანეთის გვერდიგვერდ, თავზე გადააფარეთ და 30 წუთი დატოვეთ. შემდეგ გადაუსვით კვერცხი, მოასხით ემოდან დარჩენილი კრემი და გამოაცხეთ 180 გრადუსზე 25-30 წუთი.