ათვიფეთ 2 კვერცხი, დაამატეთ არაჟანი, გამდნარი კარაქი, ფქვილი და სოდა. მოზილეთ ცომი. შემდეგ გაყავით 5 ნაწილად. ნიგოზი მოხალეთ, დაფქვით ბლენდერში, შეურიეთ შაქარი და 1 ათვეფილი კვერცხი. კარგად აურიეთ. თხლად გააბრტყელეთ თითოეული ცომის გუნდა. ჩააფინეთ ერთი ფენა ცხიმწასმულ ტაფაში (სტანდარტული ზომის, რომელიც მოჰყვება ღუმელს). გადაუსვით თხლად ზეთი, მოაყარეთ გულსართი. შემდეგ გაიმეორეთ იგივე თანმიმდევრობით ცომისა და გულსართის ფენები. ბოლო მეხუთე ფენას წაუსვით ათვეფილი კვერცხი და დაჭერით რომბებად. თითოეულ რომბს დაადეთ ნიგოზი ან თხილი. გამოაცხვეთ 200 გრადუსზე გახურებულ ღუმელში, სანამ არ დაიბრაწება. შემდეგ მოასხით ცოტაოდენი ოდნავ გამთბარი თაფლი და შეაბრუნეთ ღუმელში 10 წუთით.