მომზადების წესი: მოხრაკეთ სოკო ხახვთან ერთად. დაუმატეთ ტაფაში მოხარშული და დაჭრილი ქათამი. აჯობებს იყოს ქათმის ფილე, მაგრამ ქათმის ნებისმიერი ხორცი გამოდგება. მოაყარეთ მარილი და წიწაკა გემოვნებით. არაჟნის მოსასხმელისთვის მოხალეთ ფქვილი მშრალ ტაფაზე, დაუმატეთ ფქვილს არაჟანი ან ნაღები. სურვილსამებრ შეგიძლიათ არაჟნის სოუსს ბულიონი, რძე ან წყალი დაუმატოთ. მომზადებული სოუსი მოასხით სოკოსა და ქათმის მასას. შემდეგ გადაანაწილეთ ჟულიენის ფორმებში, ზემოდან მოაყარეთ გახეხილი ყველი და შედგით 180 გრადუსზე გახურებულ ღუმელში დაახლოებით 15 წუთი.