მომზადების წესი:ქათმის ფილე გავრეცხოთ და საწურზე გადავიტანოთ, რომ დაიწრიტოს. ფორთოხალს მოვახეხოთ ცედრა და წვენი გამოვწუროთ. ჩირი (წინასწარ გარეცხილი და გამშრალი) დავჭრათ. ფილეს წავუსვათ მარილი და პილპილი, კარგად შევაზილოთ ხელით. გახურებულ ტაფაზე მოვასხათ 1-2 ს.კ. ზეთი და ფილე ორივე მხრიდან დავბრაწოთ. ბოლოს ნიგოზიც მოვაყაროთ და ოდანვ მოვხალოთ. შემწვარი ფილე გადავიტანოთ საცხობ ფორმაში. ბასრი დანით ჩავჭრათ და ამოვავსოთ ჩირით. შემდეგ მოვაყაროთ დარჩენილი ჩირი, ფორთოხლის ცედრა და მოხალული ნიგოზი. მოვასხათ ფორთოხლის წვენი და 20-25 წუთით შევდგათ 180 გრადუსზე გახურებულ ღუმელში.