მომზადების წესი: დაჭერით ხახვი და ნიორი წვრილად. მოხრაკეთ ზეთში. დაჭერით ბულგარული წიწაკა, დაუმატეთ ხახვს და გააგრძელეთ მოხრაკვა. დაჭერით პომიდორი,მოაყარეთ მარილი და პილპილი. შეურიეთ პომიდორს ტომატპასტა და ჩაუმატეთ მოხრაკულ ხახვს. დააფარეთ ტაფას თავსახური და თუშეთ მასა რამდენიმე წუთი. როცა პომიდორი და ხახვი ერთგვაროვან მასად გადაიქცევა და წყალიც ამოშრება, ჩაახალეთ მასში კვერცხი. შეეცადეთ კვერცხი მთელ-მთელი დარჩეს. ამიტომაც აჯობებს კვერცხი ჯერ თეფშზე გატეხოთ, ხოლო შემდეგ კი ტაფაში ჩაუშვათ. როცა კვერცხი მომზადდება, გადმოდგით ტაფა ცეცხლიდან. ამ კერძის მომზადების რამდენიმე ვარიანტი არსებობს. მაგალითად, ტომატს შეგიძლიათ დაუმატოთ პაპრიკა, მწვანილი და სხვა სანელებლები.