მომზადების წესი: სიმინდის ფქვილს დავასხათ წყალი, დავუმატოთ მარილი და ვზილოთ ხელით დაახლოებით 10 წთ, რომ მასა კარგად შეკრას და ფორმის მიცემისას ადვილად დაგვემორჩილოს. სპეციალურ სილიკონის ფორმებში ჩავდოთ პატარა გუნდა და ამოვიყვანოთ გვერდები. შევდგათ ღუმელში და გამოვაცხოთ სანამ გამოშრება ბოლომდე და ღია ოქროსფერს მიიღებს. ისპანახი მოვთუთქოთ მდუღარე წყალში, ამოვწუროთ და გავაცივოთ. ხელით გავწუროთ ისე, რომ წყალი არ შეჰყვეს. გავატაროთ ხორცსაკეპ მანქანაში ისპანახი, ხახვი და ნიორი. ეს ყველაფერი შევაზავოთ სუნელებით, ნიგვზით და ძმრით. მარილი გემოვნებით. ჭარხალი მოვხარშოთ, ამოვიღოთ და გავაცივოთ. გავხეხოთ მსხვილ სახეხეზე. დავუმატოთ სუნელები, ნიორი, მაიონეზი და მარილი. მზა მჭადის კალათებში ჩავდოთ მხალეული და მოვაყაროთ ბროწეული. ჟურნალი "გემრეილი"
