მომზადების წესი:მოხარშული ქათმის ფილე დაჭერით პაარა კუბიკებად, კომბოსტო – წმინდად. სტაფილო გახეხეთ, ნიორი დაჭყლიტეთ. ყველა ინგრედიენტი ერთმანეთში აურიეთ და დაუმატეთ 1 კვერცხი და 2 ჩ/კ სოიოს სოუსი. მოათავსეთ მაცივარში 30 წუთი.დარჩენილი კვერცხი და ერთი კვერცხის გულს მოაყარეთ მარილი და დაუმატეთ გაცრილი ფქვილი. ჩაასხით წყალი და მოზილეთ ცომი. გააკეთეთ გუნდა, გაახვიეთ ჩაის ტილოში და გააჩერეთ 15-20 წუთი. შემდეგ გააბრტყელეთ ცომი თხლად, დაჭერით 15X15-ზე სმ-ის კვადრატებად. თითოეული კვადრატის მესამედ ნაწილზე მოათავსეთ ქათმის ფილეს გულსართი და დაახვიეთ როლად. კიდეები დააფიქსირეთ კვერცხის ცილით.გაახურეთ ღრმა ტაფა, დაასხით ზეთი და შეწვით როლები ყველა მხრიდან, სანამ არ დაიბრაწება: დაახლოებით 5-10 წუთი.გახეხეთ ჯანჯაფილის ფესვი წვრილ სახეხზე, დაუმატეთ სოიოს სოუსი. აქვე ჩაყარეთ დაჭრილი მწვანე ხახვი და მოათავსეთ სასოუსეში.თუ აღმოსავლური სოუსების მოყვარული არ ხართ, შეგიძლიათ ჩაანაცვლოთ კეტჩუპით ან აჯიკით.