კარგად გარეცხეთ ფორთოხლები (სასურველია, სოდით) და ბოსტნეულის სპეციალური საფცქვნელით ფრთხილად მოაცალაეთ ცედრა, ისე, რომ თეთრი ნაწილი არ გაყვეს (ის ლიქიორს გაამწარებს). მოათავსეთ ცედრა ქილაში და დაასხით არაყი. შეინახეთ მაცივარში ან ცივ და ბნელ ადგილას 5 დღე. ფორთოხლის რბილობი კი მოათავსეთ ნაჭრის ტომარაში, მჭიდროდ მოუკარით თავი და ისიც მაცივარში მოათავსეთ. მეექვსე დღეს ფორთოხლის ნაყენი გადაწურეთ. ცედრა შეგიძლიათ გადაყაროთ. ფორთოხლიდ რბილობიდან გამოწურეთ წვენი (უნდა მიიღოთ დაახლოებით 0,5 ლ). თუ ნაკლები მიიღეთ, დაუმატეთ წყალი. შეურიეთ ფორთოხლის წვენს 0,5 კგ შაქარი და დადგით ძლიერ ცეცხლზე. გააცხელეთ, თან გამუდმებით ურიეთ. მიღებული სიროფი კარგად გააცივეთ და შეურიეთ ფორთოხლის არყიან ნაყენს. მიღებული ლიქიორი გაანაწილეთ ბოთლებში და შედგით მაცივარში 2-3 დღით.