რძეს დავუმატოთ 1 ს.კ. შაქარი, საფუარი და კარგად გავხსნათ. ამას გადავაფაროთ ტილო და დავდგათ 15 წთ. კვერცხი და შაქარი გავთქვიფოთ, დავუმატოთ გამდნარი კარაქი, ზეთი, რძისა და საფუვრის მასა, ცოტაოდენ ფქვილში არეული ქიშმიში და სანელებლები. მასას შევაზილოთ ფქვილი. უნდა მივიღოთ ცომი, რომელიც ოდნავ მიეკრობა ხელს. ცომი ჩავდოთ თასში, გადავაფაროთ ხელსაწმენდი და თბილად დავდგათ. დაახლოებით 3-4 საათი, ცომი რომ გაორმაგდება, გავყოთ სასურველი ზომის გუნდებად და ქაღალდჩაფენილ, ცხიმწასმულ ფორმებში 1/3-ზე მოვათავსოთ. შეიძლება გამოვიყენოთ სპეციალური ქაღალდის ფორმები. როცა ცომი კიდევ ერთხელ ამოვა, წავუსვათ კვერცხის გულისა და რძის ნარევი და გამოვაცხოთ 170 გრადუსზე გახურებულ ღუმელში. გამოცხობის დრო პასქის ზომაზეა დამოკიდებული და მერყეობს 30 წუთიდან 1 საათამდე.