ხოხობი მშრალად გავპუტოთ (არ დავმდუღროთ!), შევტრუსოთ და გავასუფთავოთ. დავჭრათ ნაჭრებად, ჩავყაროთ ქვაბში და დავასხათ იმდენი წყალი, რომ დაფაროს. ქვაბი დავდგათ ცეცხლზე. როცა წყალი დაშრება, დავაყაროთ წვრიალად დაჭრილი ხახვი, ერბო და ვშუშოთ, სანამ დარბილდება. თუ კერძს ნანადირევისგან მოვამზადებთ, უფრო დიდხანს დასჭირდება მზადება. ხორცი რომ კარგად დარბილდება, დავუმატოთ პამიდორი, მარილი და წიწაკა. 5-10 წუთში დავაყაროთ წვრილად დაჭრილი მწვანილი. ეს და კიდევ სხვა მრავალი უგემრიელესი კერძი გელოდებათ უნიკალურ პროექტში „საქართველოს კულინარიული ატლასი“, რომელშიც წარმოდგენილია საუკეთესო ქართული კერძები და მოცემულია ნაბიჯ-ნაბიჯ ფოტოებით ახსნილი კერძების მომზადების პროცესი.
