მწვანე ლობიოს სალათა კვერცხით
დრო 30წთ
ულუფა 4
სირთულე მარტივი
შეინახე რეცეპტი

ინგრედიენტები

  • მწვანე ლობიო - 400 გ
  • კვერცხი - 4 ცალი
  • ნიორი - 1-2 კბილი
  • კარაქი - 1 ს/კ
  • მაიონეზი - გემოვნებით

მომზადების წესები

თავდაპირველად მოხარშეთ კვერცხი მაგრად და დაასხით ცივი წყალი. შემდეგ გაარჩიეთ და დაამტვრიეთ მწვანე ლობიო.

აადუღეთ წყალი, ჩაყარეთ მარილი და მოხარშეთ მწვანე ლობიო საჭირო კონდიციამდე.

გადაიტანეთ მოხარშული ლობიო საწურზე და გადაავლეთ ცივი წყალი.

გაადნეთ ტაფაზე 1 ს/კ კარაქი და მოხრაკეთ ლობიო 5 წუთის განმავლობაში, თან ურიეთ.

გადაიტანეთ შემწვარი ლობიო სასალათეში, ზემოდან დააჭყლიტეთ ნიორი.

გაფცქვენით კვერცხი, დაჭერით საშუალო ზომის კუბიკებად, დაუმატეთ ლობიოს.

მოაყარეთ მარილი და პილპილი, მოასხით მაიონეზი და აურიეთ.

გემრიელად მიირთვით!

 

ტეგები:
კვერცხი სალათა მწვანე ლობიო ნანახია: 4053