გარეცხეთ კარგად კარტოფილი, შეამშრალეთ და მოათავსეთ ღუმელის ფირფიტაზე. აცხვეთ წინასწარ 200 გრადუსზე გახურებულ ღუმელში 40 წუთი. ამასობაში დაჭერით ლორი პატარა ნაჭრებად, ხოლო სოკო თხლად. მოხრაკეთ ლორი მშრალ ტაფაზე დაბრაწვამდე, შემდეგ კი გადაიტანეთ ჯამში. ასევე მოხრაკეთ სოკო გატაში, სანამ გაშვებული წვენი მთლიანად არ ამოშრება. შემდეგ დააბრუნეთ ლორი ტაფაში და ამოურიეთ. გამომცხვარი კარტოფილი ჩაჭერით სიგანეზე, ოღონდ ბოლომდე არ გაჭრათ. ჩადეთ თითოეული კარტოფილის შუაგულში თითო კოვზი არაჟანი და ცოტაოდენი სიმინდი. დაუმატეთ სოკო და ლორი, მოახეხეთ ყველი და რამდენიმე წუთით ღუმელშძი შეაბრუნეთ, რომ ყველი კარგად დაადნეს. ბოლოს მოაყარეთ დაჭრილი კამა და გემრიელად მიირთვით!
