დაფხვენით ორცხობილა და მოათვსეთ ბლენდერის ჩიქაში. გაადნეთ კარაქი, დაუმატეთ დაფხვნილი ორცხობილას და დააბლენდერეთ. ჩააფინეთ დასაშლელი ფორმის ფსკერზე პერგამენტი, ამოუწიეთ კიდეები და დაიფიქსირეთ, ხელი რომ არ შეგიშალოთ. გადაიტანეთ ფორმაში ორცხობილისა და კარაქის მასა და ხელით კარგად ჩატკეპნეთ. ჟელატინი დაალბეთ ცოტაოდენ წყალში და გააჩერეთ, გაფუვდეს. შემდეგ შეათბეთ, რათა ჟელატინი გაიხსნას. ჯამში მოათავსეთ მასკარპონე ან კრემისებური ხაჭო, დაუმატეთ ნაღები, ვანილის შაქარი და შაქრის პუდრა - დააბლენდერეთ ერთგვაროვანი მასის მიღებამდე. გადაიტანეთ მიღებული მასა ფორმაში, ბისკვიტის თავზე და მოასწორეთ ზედაპირი. შედგით დესერტი მაცივარში 30 წუთით. ატმის კომპოტიდან ამოიღეთ 4 ნაჭერი ატამი, დაჭერით წვრილად. დაალბეთ სწრაფად ხსნადი ჟელატინი 0,5 ჭიქა კომპოტის წვენში, ოდნავ შეათბეთ, რათა ჟელატინი გალღვეს. დარჩემილი კომპოტის წვენი და დაჭრილი ატმები დააბლენდერეთ ერთგვაროვანი მასის მიღებამდე და დაუმატეთ ჟელატინის მასა. გამოიღეთ მაცივრიდან დესერტი და დაასხით ატმის მასა. მოათავსეთ კვლავ მაცივარში 15-20 წუთით, როცა ზედაპირი გამკვრივდება, მორთეთ ატმის ნაჭრებით და კვლავ მოათავსეთ მაცივარში ბოლომდე გამკვრივებამდე. გაცივებული დესერტი ფრთხილად გადმოიღეთ ფორმიდან და გემრიელად მიირთვით!