ღვთაებრივი შეხამება - მსხლის ნამცხვარი კარამელის სოუსით
დრო 60წთ
ულუფა 8
სირთულე რთული
შეინახე რეცეპტი

ინგრედიენტები

ცომი:
  • კარაქი - 50 გ
  • შაქარი - 50 გ
  • კვერცხი - 1 ცალი
  • ფქვილი - 150 გ
გულსართი:
  • მსხალი - 2 ცალი
კარამელის სოუსი:
  • კარაქი - 150 გ
  • შაქარი - 150 გ
  • ფქვილი - 3 ს/კ
ბეზე:
  • კვერცხის ცილა - 3 ცალი
  • შაქარი - 150 გ

მომზადების წესები

ცომისთვის დარბილებულ კარაქში აურიეთ შაქარი, დაუმატეთ კვერცხი და აურიეთ.

თანდათანობით შეურიეთ ფქვილი.

20 სმ დიამეტრის ფორმაში ჩააფინეთ პერგამენტი და გადაიტანეთ ცომი ფორმაში, გაანაწილეთ ხელით, გაუკეთეთ მაღალი კიდეები. მოთავსეთ ფორმიანად ცომი მაცივარში ნახევარი საათით.

ამასობაში გაფცქვენით მსხალი, დაჭერით და დაალაგეთ გაცივებულ ცომზე.

კარამელის სოუსისთვის: ერთმანეთში აურიეთ კარაქი და შაქარი, დადგით ცეცხლზე და ისე, რომ შეუჩერებლად ურიოთ, მიიყვანეთ ადუღებამდე. როცა ადუღდება, დაუმატეთ ფქვილი და ხელის ზამბარით თქვიფეთ სწრაფი მოძრაობით, რათა კარგად გაიხსნას ფქვილი. სანამ მასა ცხელია, მოასხით მსხალს.

შედგით ღვეზელი 180 გრადუსზე გახურებულ ღუმელში და აცხვეთ 20 წუთი.

ამასობაში ათქვიფეთ კვერცხის ცილა და შაქარი, მკვრივი ბეზეს კონსისტენციის მიღებამდე.

დაუწიეთ ღუმელის ტემპერატურას 150 გრადუსამდე, გამოიღეთ ნამცხვარი, გაანაწილეთ ზედაპირზე ბეზე და კვლავ მოათვსეთ ღუმელის ქვედა თაროზე დაახლოებით 20-25 წუთი, სანამ ზედაპირი არ მოებრაწება.

გააგრილეთ ნამცხვარი და ფრთხილად ამოიღეთ ფორმიდან.

რჩევა: აჯობებს გამოიყენოთ დასაშლელი ფორმა.

გემრიელად მიირთვით!