წყალი და შაქარი დავყაროთ ტაფაზე და საშუალო ტემპერატურაზე ვადუღოთ, სანამ ღია კარამელისფერს მიიღებს, დავუმატოთ თხილი და ამოვურიოთ. მასა გადავიტანოთ ზეთწასმულ ფაიფურის ლანგარზე ან დასველებულ ფიცარზე და 1 საათი გავაცივოთ, შემდეგ დავფქვათ ჩოფერით ან სულაც როდინში ხელით დავფქვათ წვრილად. შოკოლადი და რძე გავადნოთ და შევურიოთ თხილი. მოვამზადოთ ცომი – კვერცხი და შაქარი ავთქვიფოთ, დავუმატოთ დარბილებული კარაქი, რძე, ვანილი, გამაფხვიერებელი და ფქვილი. ცხიმწასმულ ფორმაში ჩავდოთ ცომის ნახევარი, შემდეგ დავადოთ შოკოლადისა და თხილის პასტა და ბოლოს დანარჩენი ცომი. გამოვაცხოთ 170 გრადუსზე. მზა ნამცხვარს მოვაყაროთ შაქრის პუდრი. თხილისა და შოკოლადის მასა შესაძლოა დაგვრჩეს. იგი კარგად ინახება მინის თავდახურულ ჭურჭელში. შოკოლადს შეგვიძლია დავუმატოთ ცოტაოდენი მიხაკ-დარიჩინი. ჟურნალი "გემრიელია"
