700 გ ფქვილი და მარგარინი ერთმანეთში ავზილოთ, სანამ ფხვიერ მასას მივიღებთ. თბილ წყალში გავხსნათ საფუარი, მარილი შაქარი და შევაზილოთ ფხვიერ მასას, დავუმატოთ ზეთი და მოვზილოთ ცომი. თუ დააკლდა, დავუმატოთ ფქვილი, გავყოთ ორ ნაწილად და 2 საათით მაცივარში შევდოთ. ისპანახი მოვწალოთ მდუღარე მარილიან წყალში და დავჭრათ. დავუმატოთ ზეთში მოშუშული, წვრილად დაჭრილი ხახვი, მარილი, პილპილი და აკეპილი ქინძი. ცომი გავაბრტყელოთ, ჩავდოთ ფორმაში, ზედ გადავანაწილოთ გაგრილებული ნახევარი ისპანახის გულსართი, მოვაყაროთ ყველი და დანარჩენი ისპანახის გულსართი დავადოთ. გავუკეთოთ ჩაღრმავებები და ჩავახალოთ კვერცხები. გავაბრტყელოთ ცომის მეორე ნაწილი, გადავაფაროთ ღვეზელს, შევუკრათ ნაპირები და ზემოდან ჩანგლით დავჩხვლიტოთ. გამოვაცხოთ 180 გრადუსზე გახურებულ ღუმელში დაახლოებით 25 წუთის განმავლობაში. შეგვიძლია გამოვაცხოთ 2 ღვეზელი. ჟურნალი "გემრიელია" (მაისის ნომერი)