პატარა ქვაბში ჩაასხით წყალი, დაუმატეთ შაქარი, დადგით ცეცხლზე და მიიყვანეთ ადუღებამდე, ურიეთ, სანამ შაქარი ბოლომდე არ დადნება. გადმოდგით ცეცხლიდან. დაუმატეთ პიტნის ფოთლები და აურიეთ. გააგრილეთ და შედგით მაცივარში. კენკრა ჩაყარეთ ბლენდერის ჭიქაში, დაასხით გაცივებული სიროფი საწურის მეშვეობით. დააბლენდერეთ რამდენიმე წამის განმავლობაში ისე, რომ პიურედ ნუ გადააქცევთ კენკრას. მინის გრაფინი ნახევრად აავსეთ ყინულებით, ჩადეთ მასში პიტნის ღერები, დაასხით მინერალური წყალი, შემდეგ კი კენკრის მასა. აურიეთ და სურვილისამებრ დაუმატეთ კიდევ ყინული. გემრიელად მიირთვით!
