მოამზადეთ გულსართი: გახეხეთ მაგარი სახეობის ყველი და თუ ბრინზას იყენებთ, ისიც. თუ არადა, შეურიეთ ცხიმიანი ხაჭო. ათქვიფეთ ჩანგლით ცალკე ჯამში კვერცხი მარილთან ერთად. ნახევარი დაუმატეთ ყველის მასას და აურიეთ. გააბრტყელეთ ფენოვანი ცომის ჯერ ერთი ფირფიტა დაახლოებით 2-3 მმ სისქეზე. გადაიტანეთ ცომი ღუმელის გამოსაცხობ კარაქწასმულ ფირფიტაზე და გაანაწილეთ მასზე ყველის მასა. გააბრტყელეთ ცომის მეორე ფირფიტა და დააფარეთ ყველის მასას. მოუკარით კიდეები კარგად, რათა ყველი არ გამოვიდეს ცომიდან. ჩაჭერით ცომის ზედაპირი ისე, რომ ბოლო ფირფიტა არ გაიჭრას. ეს იმისათვის, რომ გამომგცხვარი ხაჭაპურის დაჭრა გაგიადვილდეთ.გადაუსვით ზედაპირზე დარჩენილი ათქვიფილი კვერცხი და მოათავსეთ 180 გრადუსზე გახურებულ ღუმელში 7-10 წუთით, სანამ ზედაპირი არ დაიბრაწება. გემრიელად მიირთვით!