პატარა ქილაში ერთმანეთში აურიეთ ზეითუნის ზეთი, ლიმონის წვენი, პრესში გატარებული ან წმინდად დაჭრილი ნიორი, ხმელი ორეგანო, მარილი და პილპილი. დააფარეთ თავსახუთი და კარგად შეანჯღრიეთ ქილა. ჯამში ჩაყარეთ კუბიკებად დაჭრილი პომიდორი, მრგვლად დაჭრილი კიტრი, ალყა-ალყა დაჭრილი წითელი ხახვი, მრგვლად დაჭრილი მწვანე წიწაკა, კუბიკებად დაჭრილი ყველი ფეტა და ზეთისხილი. სუფრასთან მიტანის წინ მოასხით ზეითუნის ზეთის სოუსი და მოაყარეთ ახცალდაფქული პილპილი. გემრიელად მიირთვით!