მოვამზადოთ ბლინები ამ ბმულზე მოცემული რეცეპტის მიხედვით, შაქრის გარეშე. გულსართისთვის დაჭრილი ხახვი მოვშუშოთ, დავამატოთ ფარში. ვშუშოთ დაბალ ცეცხლზე, სანამ ფარში არ მომზადდება. გადმოვიღოთ ცეცხლიდან და დავამატოთ სიმინდი, ბარდა, წვრილად დაჭრილი წიწაკა და გახეხილი ყველი. შევაზავოთ მარილით და პილპილით. გულსართი გადავახვიოთ ბლინებში და ჩავალაგოთ ფორმაში. დავასხათ სოუსი, რომელსაც ასე მოვამზადებთ: ერთად ავთქვიფოთ რძე, კვერცხი, მარილი და პილპილი. მოვამზადოთ ღუმელში 180 გრადუსზე, 30 წუთი. უკვე მზას მოვაყაროთ დაჭრილი მწვანილი.