4 კვერცხის გული და 125 გ შაქარი გათეთრებამდე ავთქვიფოთ, ნელ-ნელა დავამატოთ ფქვილი. ცალკე ავთქვიფოთ ცილა მწიკვ მარილთან ერთად და ფრთხილად შევურიოთ ცომს. ქაღალდჩაფენილ ფორმაში 1 სმ სისქეზე დავასხათ ცომი და 150 გრადუსზე გამოვაცხოთ 10 წუთი. ბისკვიტი გამოვჭრათ საშუალო ზომის ყალიბის ზომაზე. ჩავდოთ ამავე ყალიბში. ჟელატინი დავალბოთ ცივ წყალში, გადავწუროთ და გავადნოთ. დავაბლენდეროთ 6 მანდარინი, 50 გ შაქარი და რომი, დავამატოთ გამდნარი ჟელატინი. ავთქვიფოთ ნაღები 40 გ შაქართან ერთად და შევურიოთ მანდარინს. კრემი კარგად გავაციოთ, შემდეგ ფორმაშივე დავასხათ ბისკვიტს და მაცივარში შევაბრუნოთ. ზემოდან მოვრთოთ მანდარინის ლებნებით და ნუშის ფანტელებით.
