1. მოამზადეთ საჭირო ინგრედიენტები.2. გაყინული ვარენიკი მოათავსეთ მდუღარე მარილწყალში და ადუღებიდან 6-8 წუთის განმავლობაში ხარშეთ.3. მოხარშული ვარენიკი საწურზე დაწრიტეთ, გადაიტანეთ თეფშზე და აცალეთ გაგრილება.4. პამიდორი დამდუღრეთ და კანი გააცალეთ. კანგაცლილი პამიდორი დაჭერით წვრილად, დაჭრისას გამოყოფილი წვენი არ გადაღვაროთ.5. ხახვი გაასუფთავეთ და წვრილად დაჭერით.6. ტკბილი წიწაკა გაასუფთავეთ და დაჭერით პატარა ნაჭრებად.7. გაცხელებულ ცხიმიან ტაფაზე მოათავსეთ დაჭრილი ხახვი და მოშუშეთ.8. ხახვს დაუმატეთ პატარა ნაჭრებად დაჭრილი ტკბილი წიწაკა.9. მოშუშულ ხახვსა და ტკბილ წიწაკას დაუმატეთ წვრილად დაჭრილი პამიდორი და განაგრძეთ მოშუშვა.10. ბოლოს დაუმატეთ მარილი და შავი პილპილი.რჩევა:თუ პამიდორი ნაკლებწვნიანია, სოუსს შეგიძლიათ ცოტაოდენი ტომატპასტა დაუმატოთ. ვარენიკები ფორმაში ჩაწყობისას ნახევრად უნდა დაიფაროს პამიდვრის სოუსით.11. მომზადებული სოუსი გააცივეთ და გადაიტანეთ ცეცხლგამძლე ლანგარზე.12. სოუსში ჩააწყვეთ მოხარშული ვარენიკი.13. პამიდორი დაჭერით თხელ რგოლებად.14. ვარენიკს მოაწყვეთ რგოლებად დაჭრილი პამიდორი.15. პამიდვრის ნაჭრებს დააფინეთ მდნარი ყველის ფირფიტები.16. ბოლოს მოასხით მაიონეზი.17. კერძი გააფორმეთ შაშკვლავის ფოთლებით და შედგით 180° ჩ-ზე გახურებულ ღუმელში. გააჩერეთ, სანამ ზედაპირი კარგად არ დაებრაწება.ვარიანტი: ვარენიკი ნაღების სოუსითვარენიკი ნაღების სოუსით ნებისმიერი გულსართის მქონე ვარენიკით შეგიძლიათ მოამზადოთ.12 ცალი ვარენიკი მოათავსეთ ცხელ, ცხიმიან ტაფაზე, დადგით დაბალ ცეცხლზე და დაბრაწეთ ორივე მხრიდან. დაუმატეთ პატარა ზომის ნაჭრებად დაჭრილი 1 ცალი წითელი ტკბილი წიწაკა და 200 გ სოკო.გააჩერეთ ცეცხლზე, სანამ ტკბილი წიწაკა და სოკო არ მოიშუშება. პარალელურად მოამზადეთ ნაღების სოუსი: 4 კვერცხი გათქვიფეთ თასში, დაუმატეთ 200 მლ ნაღები, პატარა ნაჭრებად დაჭრილი ან ბლენდერში ათქვეფილი 1 ცალი პამიდორი, წვრილად დაჭრილი ოხრახუში, მარილი და შავი პილპილი გემოვნებით. ეს ყველაფერი კარგად აურიეთ. მოშუშული ვარენიკი, ტკბილი წიწაკა და სოკო გადაიტანეთ ცეცხლგამძლე ღრმა ლანგარზე და მოასხით მომზადებული სოუსი. მოაყარეთ 100 გ გახეხილი იმერული ყველი. 30-40 წუთით შედგით 200° -ზე გახურებულ ღუმელში.მზა კერძი გამოიღეთ ღუმლიდან და აცადეთ გაგრილება. სუფრაზე მიიტანეთ არაჟანთან ერთად.