ბლიცინტერვიუ კონსტანტინე თედელურთან: "ლეონარდო და ვინჩთან მექნებოდა სასიამოვნო ურთიერთობა"
ბლიცინტერვიუ კონსტანტინე თედელურთან: "ლეონარდო და ვინჩთან მექნებოდა სასიამოვნო ურთიერთობა"

„მასტერშეფის“ ერთგულ მაყურებელს დღეს ახალი ეპიზოდი ელის.  სანამ კონკურსანტები გაოცებულები უყურებდენ, თვალდახუჭული როგორ ჭრიდა ლუკა ქათამს, მანამდე ჩვენ კონსტანტინე თედელურთან ბლიცინტერვიუ ჩავწერეთ.

რაზე ოცნებობს, ვინ გაუცრუა ყველაზე მეტად იმედი და რომელ საუკუნეში იცხოვრებდა „მასტერშეფის“ ჟიურის ყველაზე არაორდინარული წევრი?

მასტერშეფმა...

ქართველ მზარეულთა შეხედულებებში ახალი მიმართულებები დამანახა.

იმედი გამიცრუა...

სოფო ხალვაშმა. იმდენად კარგი იყო შესარჩევ ტურში და ასევე კარგად ვითარდებოდა, რომ მოლოდინი დიდი მქონდა. ვთქვი კიდეც, რომ სიამოვნებით წავიყვანდი ჩემს რესტორანში, უკვე წარმატებული მომღერალი რომ არ იყოს. მაგრამ ბოლოს თავისი კუთხის სამზარეულო ისე წარადგინა, რომ იმედი გამიცრუა.

ჩვენ ვართ ის...

რითაც ვიკვებებით. თუ ჯანსაღად იკვებები, ჯანმრთელად ხარ. საკვები ადამიანისთვის ისეა, როგორც საწვავი – მანქანისთვის. როგორ საწვავსაც მიაწვდი, ისე იმუშავებს.

ჩემი თავი გამახსენა...

გიორგი ჯაჭვლიანმა, რადგან მის მსგავსად, აქიტექტურაზე ვსწავლობდი და გასტრონომიისკენ მივისწრაფოდი.

ვოცნებობ

სიმშვიდეზე საქართველოში

მეშინია

ლარის დავარდნის

ვაღმერთებ

ღმერთს

კულინარია

ჩემი ცხოვრებაა

ვზარმაცობ

როცა მძინავს

ვამაყობ

ჩემი ოჯახით

თავისუფლებას ვკარგავთ

როცა ვიბადებით

არასოდეს დამავიწყდება

ჩემი შვილის დაბადება

ვიცხოვრებდი...

XVI-XVII საუკუნეებში

გავიცნობდი...

აინშტაინს, ლეონარდო და ვინჩთან მექნებოდა პროფესიული მასტერკლასებსი, სიამოვნებით დავუჯდებოდი მოცარტს და მის ნაწარმოებებს მოვუსმენდი პირველ პირში.

ცოცხლებიდან ელისაბედ მეორესთან ვისადილებდი სიამოვნებით.

მზარეული რომ არა...

არქიტექტორი და ინტერიერის დიზაინერი ვიქნებოდი.

ინტერვიუს ბოლოს კონსტანტინეს შოუს დარჩენილი მონაწილეების დახასიათებაც ვთხოვეთ:

ვლა­დი­მე­რი

თითქოს საინტერესოა, მაგრამ ამაყია, რამაც, შეიძლება, ხელი შეუშალოს

შა­­ნი­ნა

სახლის დიასახლისა

მაკა

გააზრებულად, ჩამოყალიბებულად ამზადებს. ბევრი განსხვავებული კერძი აქვს გასინჯული, არამხოლოდ საქართველოში, არამედ სხვა ქვეყნებშიც. რაც მზარეულისთვის დიდი უპირატესობაა.

ნა­თია

ცოტა მშიშარაა, რაც თვითგამოხატვაში ხელს უშლის.

ია

გააზრებულად და კრეატიულად ამზადებს. საერთოდ, ძალიან საინტერესოა ჩემთვის პატარა ასაკის მზარეულების პირის გემოები, ია ამ ეტაპზე თავს კარგად ართმევს დავალებებს.

თინა

იგივე შემიძლია ვთქვა, რაც იაზე ვთქვი, ოღონდ, ასაკით უფრო დიდია.

თათია

კარგი კონდიტერია.

გიორგი

პოზიტიურია. კარგ, სახლურ გემოებს სვამს

მასტერშეფის გამარჯვებული რომ გახდე...

უნდა იყო კრეატიული, შეგეძლოს არაპროგნოზირებადი ინგრედიენტების ერთმანეთთან შეხამება და გემოების სწორი ბალანსირება და შემდგომ ვიზუალიზაცია.

მასალის გამოყენების პირობები
29 ივნისი, 2019 02:35 p.m.
ნანახია: 321