ძვირფასი დიეტური ხილია, იყენებენ ხველების საწინააღმდეგო საშუალებად... - ყველა მიზეზი, თუ რატომ უნდა მიირთვათ მანდარინი
მანდარინი სამხრეთი ჩინეთიდან იღებს სათავეს. ევროპაში იგი XIX საუკუნის დასაწყისიდან შემოვიდა.
მანდარინის ხილი არის ძვირფასი დიეტური ხილი, რომელიც ზრდის მადას, აუმჯობესებს ნივთიერებათა ცვლას და აჯერებს სხეულს ვიტამინებით ზამთარში. მანდარინი ხელს უწყობს საჭმლის მონელებას და ახასიათებს ანტიმიკრობული მოქმედება.
მანდარინის ქერქისგან დამზადებული ნაყენი ზრდის მადას, აუმჯობესებს საჭმლის მონელებას, არბილებს ანთებით სეკრეციას ბრონქებსა და ზედა სასუნთქ გზებში. აღმოსავლურ მედიცინაში ქერქის ნაყენს, აგრეთვე მის წყალხსნარს, იყენებდნენ ბრონქიტის, გულისრევის დროს, როგორც ხველების საწინააღმდეგო საშუალებას.
მანდარინის ჰიბრიდები
კლემენტინი, ასევე ცნობილი როგორც ალჟირული მანდარინი. ეს არის მანდარინის და ფორთოხლის ჰიბრიდი. განსხვავდება ტკბილი გემოთი, ასევე შეიცავს ნაკლებ თესლს.
ტანგელო – ეს ხილი ჰგავს მსხვილ ფორთოხალს. მას გემო აქვს ჩვეულებრივი მანდარინისა და გრეიფრუტის არომატით.
მანდარინის ქერქს იყენებენ ფორთოხლის ქერქის შემცვლელად სხვადასხვა მედიკამენტების, ინფუზიების, სიროფებისა და ექსტრაქტების მომზადებისას.
როგორ ავირჩიოთ და შევინახოთ მანდარინი
შეხედეთ მანდარინის კანს – გამხმარი, დუნე ან ხისფერი კანი მიუთითებს იმაზე, რომ ნაყოფი ზედმეტად დამწიფებულია. მოუმწიფებელი მანდარინი მძიმეა, კანი თითქოს მომწვანო ფერისაა და კანის მოცილება ძალიან ძნელია.
მანდარინის სიმწიფის დადგენა ადვილია მისი ზომისა და წონის თანაფარდობით, ვინაიდან ყველა მწიფე მანდარინი ყოველთვის იწონის ნაკლებს, ვიდრე ერთი შეხედვით ჩანს.
ტკბილ მანდარინს ახასიათებს კაშკაშა ნარინჯისფერი კანი. ზოგჯერ, შეგიძლიათ იპოვოთ ტკბილი მანდარინი ყვითელი ფერის კანით. ტკბილი მანდარინი, როგორც წესი, საშუალო ზომისაა.
მჟავე მანდარინს ახასიათებს გაბრტყელებული ფორმა. ის ხშირად უფრო მსუბუქია, ვიდრე ტკბილი ჯიშები.
მანდარინი ინახება მაცივრის სპეციალურ განყოფილებაში, სადაც თითქმის ერთი თვის განმავლობაში არ ლპება და არ შრება. ოთახის ტემპერატურაზე მანდარინი სწრაფად ფუჭდება და კარგავს არა მხოლოდ სასარგებლო თვისებებს, არამედ გემოსაც.
ზამთარში მანდარინის შენახვა რეკომენდებულია აივანზე, სადაც ტემპერატურა ექვს გრადუსზე დაბლა არ ეცემა.
ითვლება რომ ხილი, რომელზეც ტოტი შენარჩუნებულია, უფრო დიდხანს ინარჩუნებს პირვანდელ სახეს, მაგრამ ამ ფორმით ძალიან იშვიათად გვხვდება გაყიდვაში, ამიტომ ეს რჩევა უფრო შეეფერება მათ, ვინც საკუთარ ეზოში კრეფს ხილს.