ბოსტნეული, რომელსაც ჩვენი წინაპრები უნივერსალურ სამკურნალო საშუალებად თვლიდნენ - უახლესი კვლევები ამტკიცებს, რომ ისინი არ ცდებოდნენ
ბოსტნეული, რომელსაც ჩვენი წინაპრები უნივერსალურ სამკურნალო საშუალებად თვლიდნენ - უახლესი კვლევები ამტკიცებს, რომ ისინი არ ცდებოდნენ

 

ადამიანები 6 ათასი წლის განმავლობაში მიირთმევდნენ სხვადასხვა სახის მწარე წიწაკას, ასევე, იყენებდნენ ინფექციური დაავადებების სამკურნალოდ, პარაზიტებთან საბრძოლველად და საკვების შენახვის ვადის გასაზრდელად. მოგვიანებით დადასტურდა ცხარე წიწაკის ანთების საწინააღმდეგო და ანტიოქსიდანტური თვისებები, აგრეთვე მათი უნარი, შეამცირონ სისხლში შაქარი და ეს ყველაფერი კაპსაიცინის წყალობით - სპეციალური ნივთიერება, რომელიც პასუხისმგებელია მწარე გემოზე.

 

და სულ ახლახანს, მეცნიერებმა დაასრულეს მასშტაბური სამუშაო, რომლის შედეგების თანახმად, წიწაკის მოხმარებით შეიძლება შემცირდეს გულ-სისხლძარღვთა და ონკოლოგიური დაავადებებით სიკვდილის რისკი. ახალი მონაცემები მოიპოვეს კლივლენდის (აშშ) გულის, სისხლძარღვებისა და გულმკერდის ინსტიტუტში. ექსპერტებმა შეისწავლეს 4729 კვლევა ცხარე წიწაკის მოხმარებასა და ადამიანის ჯანმრთელობას შორის კავშირის შესახებ და შეერთებულ შტატებში, იტალიაში, ჩინეთსა და ირანში 570 000-ზე მეტი ადამიანის კვების მონაცემების გამოყენებით შეადარეს სამი ჯგუფის მაჩვენებლები: ისინი, ვინც ხშირად ჭამენ წიწაკას, იშვიათად მიირთმევენ და საერთოდ არ ჭამენ.

 

მათ დაადგინეს, რომ პირველ ჯგუფს 26% - ით ჰქონდა შემცირებული გულ-სისხლძარღვთა დაავადებები (მათთან შედარებით, ვინც არ ჭამდა ან იშვიათად ჭამდა წიწაკას), კიბო 23% -ით და სხვა დაავადებები 25% -ით.

 

 

მეცნიერები ჯერ არ არიან მზად დარწმუნებით თქვან, რომ მეტი წიწაკის ჭამამ ​​შეიძლება გაახანგრძლივოს სიცოცხლე და შეამციროს სიკვდილიანობის მაჩვენებელი, მაგრამ კვლევის დადებითი შედეგები აშკარაა. კაპსაიცინის კიბოს საწინააღმდეგო მოქმედების მექანიზმები ჯერ–ჯერობით ბოლომდე გაურკვეველია, მაგრამ მრავალმა კვლევამ დააკავშირა იგი სიმსივნური უჯრედის ციკლის ბლოკალიზებასთან. ცნობილია, რომ კაპსაიცინმა შეიძლება ხელი შეუწყოს პროსტატის კიბოს უჯრედების განადგურებას მეტაბოლიზმის დაჩქარებით, ცხიმების წვისა და ტკივილის შემცირებით.

 

ასევე ნაჩვენებია, რომ კაპსაიცინი სასიკეთოდ მოქმედებს გულ-სისხლძარღვთა სისტემაზე, მნიშვნელოვან როლს ასრულებს არტერიული წნევის მოწესრიგებაში და ინსულტის დაწყებასაც კი აჭიანურებს.

 

ამავე დროს, მეცნიერები გვაფრთხილებენ, რომ კაფსაიცინმა ხშირ შემთხვევაში შეიძლება გამოიწვიოს გულისრევა, მუცლის ტკივილი და დიარეა. ასე რომ, საჭიროა დოზების სწორი გამოყენება. 

მასალის გამოყენების პირობები
22 იანვარი, 2021
ნანახია: 231