5 გამაგრილებელი ლიმონათი ცხელი დღეებისთვის - დაგჭირდებათ 5 წუთი და სულ რამდენიმე ინგრედიენტი - Gemrielia.ge

ცხელ ზაფხულში არცერთ გამაგრილებელ სასმელს არ შეუძლია წყურვილის მოკვლა ისე, როგორც ცივ ლიმონათს. ამასთან, იგი ძალიან გემრიელიცაა და განსაკუთრებით მაშინ, თუ საკუთარი ხელით გაქვთ მომზადებული. მთავარი სიკეთე კი ამ სასმელში ისაა, რომ ის კონსერვანტებისა და საღებავების გარეშე მზადდება და საგემოვნო თვისებებით არაფრით ჩამოუვარდება მაღაზიაში ნაყიდს. გირჩევთ სცადოთ და დააგემოვნოთ ზაფხულის ეს ნამდვილი ჰიტი!

1.  კლასიკური ლიმონათი

 

ინგრედიენტები:

6 ლიმონი;

2 ს.კ. შაქარი;

1 ს.კ. წყალი;

მწიკვი მარილი;

პიტნა (გემოვნებით).

მომზადების წესი:

გათალეთ 2 ლიმონი და დაჭერით მისი ცედრა თხელ ნაჭრებად. დადგით ღუმელზე ქვაბი, ჩაყარეთ შაქარი და ჩაასხით წყალი, დაუმატეთ დაჭრილი ცედრა. წამოადუღეთ 5 წუთით. გადმოდგით, გააგრილეთ და დაუმატეთ პიტნის ფოთლები. როცა სიროფი კარგად გაგრილდება, შედგით მაცივარში. ნახევარი საათის შემდეგ სიროფი გაწურეთ და დაუმატეთ 6 ლიმონის წვენი.

ეს კონცენტრირებული სასმელი შეგიძლიათ გააზავოთ ჩვულებრივი ან გაზიანი წყლით.

 

 

2. ინდური ლიმონათი

 

ინგრედიენტები:

1/2 ჭიქა ლაიმის წვენი;

2/3 ჭიქა ლიმონის წვენი;

1/3 ჭიქა ნეკერჩხლის სიროფი;

8 ჭიქა წყალი;

1 ჩ.კ. ახალი, დაქუცმაცებული ჯანჯაფილი (კოჭა, იმბირი).

 

მომზადების წესი:

ეს ლიმონათის ყველაზე იოლი რეცეპტია. უბრალოდ, შეურიეთ ყველა ინგრედიენტი გრაფინში, გააცივეთ და ჭიქებში ჩამოასხით. შეგიძლიათ დაუმატოთ ყინული.
 

3. მოცვის ლიმონათი

 

ინგრედიენტები:

4 ლიმონი;

2 ჭიქა წყალი;

1 ჭიქა შაქარი;

1/2 ჭიქა მოცვი;

2 ჭიქა ყინული.


მომზადების წესი:

გათალეთ ლიმონები. გამოწურეთ წვენი. გრაფინში ჩაასხით 2 ჭიქა წყალი, დაუმატეთ შაქარი, ჩაყარეთ ცედრა და ლიმონის წვენი. კარგად აურიეთ. ბლენდერით ანკოვზით კარგად ათქვიფეთ მოცვი და დაუმატეთ გრაფინის მასას. გააცივეთ. ჩამოასხით ჭიქებში.

 

4. ანანასის ლიმონათი

 

ინგრედიენტები:

1/2 ჭიქა ანანასის წვენი;

2 ლიმონი;

2 კვერცხი;

1 ჭიქა გაზიანი წყალი;

ყინული.

მომზადების წესი:

ათქვიფეთ კვერცხის ცილა ანანასისა და ლიმონის წვენთან ერთად ქაფის გაკეთებამდე. გაწურეთ წვრილ საწურში. ბლენდერში დაამსხვრიეთ ყინული, დაუმატეთ გაზიანი წყალი. კარგად აურიეთ ერთმანეთს, გააცივეთ და ჩამოასხით ჭიქებში.

თუ ლიმონათი ძალიან ტკბილი გამოგივიდათ, ნუ ინერვიულებთ, სასემლი შეგიძლიათ წყლით გააზავოთ.
 

5. ტარხუნის ლიმონათი

 

ინგრედიენტები:

 

• შაქარი - გემოვნებით
• ცივი წყალი - 1 ლ
• ტარხუნა - 2-3 დიდი კონა
• ლიმონი - 1
• ყინული

 

მომზადების წესი:

 

ტარხუნიდან და ლიმონიდან გამოწურეთ წვენი წვენსაწურში. თუ არ გაქვთ წვენსაწური, დააბლენდერეთ და საწურში ან მარლაში გაწურეთ. ჩაასხით გრაფინში, შეავსეთ წყლით, დაატკბეთ გემოვნების მიხედვით, დაუმატეთ ყინული და მიირთვით.