myquiz

„დილით ვსვამ უშაქრო ყავას, პურს, გლუტეინის გარეშე, ყველს...“ - როგორია ნანუკა ჟორჟოლიანის კვებისა და ვარჯიშის რუტინა - Gemrielia.ge

„დილით ვსვამ უშაქრო ყავას, პურს, გლუტეინის გარეშე, ყველს...“ - როგორია ნანუკა ჟორჟოლიანის კვებისა და ვარჯიშის რუტინა

ტელეწამყვანი ნანუკა ჟორჟოლიანი თავის მოვლასა და საკუთარ ყოველდღიურობაზე ხშირად საუბრობს, მისი რჩევები სოციალურ ქსელებშიც დიდი პოპულარობით სარგებლობს, ამჯერად კი ნანუკამ კვების რაციონსა და ვარჯიშის რუტინაზე ისაუბრა, რომელთა დახმარებითაც ახერხებს, რომ ყოველთვის სასურველი წონა და სხეული შეინარჩუნოს:

„როდესაც ორ წლიანი შესვენების შემდეგ მივხვდი, რომ სპორტი უნდა დამეწყო, ვიფიქრე, რომ მინდოდა ჩოგბურთის თამაში. სინამდვილეში ჩოგბურთი ძალიან ძვირადღირებული სპორტია და ამიტომ ბევრს არ ვურჩევ ხოლმე, მაგრამ სამაგიეროდ ცურვაზეც დავდივარ, არ მანიჭებს ისეთ სიამოვნებას როგორსაც ჩოგბურთი მაგრამ სხეულისთვის ძალიან კარგია და ფორმებისთვისაც ძალიან კარგია. აერობიკაზეც დავდივარ და ვისაც ხერხემალი აწუხებს მათთვის იდეალურია. აუცილებლად, ყოველდილით ვვარჯიშობ 30 წუთით, ვაკეთებ ფეხის და სხეულის ვარჯიშებს, ფანტასტიკური შედეგი მაქვს. დილით ვსვამ უშაქრო ყავას, პურს, გლუტენის გარეშე, ყველს, ცოტახანში ბანანს და ისევ ყავას. 2 საათიანი ინტერვალით ვაშლს, მჭადს და ყველს, ბოსტნეულს... ვცდილობ ხორცი და ბოსტნეული შევაზავო, მაგალითად ძალიან კარგია ცეზარი, ოსპის სუპი და ა.შ. დღის განმავლობაში 5ჯერ მაინც ვჭამ და ძალიან ბევრ წყალს ვსვამ. ყველა ადამიანს ვურჩევდი მაკარონის და ბურღულეულის ამოღებას, მოერიდეთ ტკბილს და ეცადეთ ბევრი ივარჯიშოთ“, - ამბობს ნანუკა.