ვჭამთ ყველაფერს, რაც მოგვინდება და ვიკლებთ წონაში - რას ნიშნავს კალორიული დეფიციტის ჯადოსნობა?
ყველამ იცის, რომ წონის კლების მთავარი პირობა მიღებული კალორიების რაოდენობის შემცირებაა, მაგრამ საკუთარი სურვილით ჭამის აკრძალვითა და პოპულარული დიეტების გამოყენებით სასურველ შედეგს ნამდვილად ვერ მიაღწევთ. პირიქით, შესაძლოა ამით თქვენს ჯანმრთელობას დიდი ზიანი მიაყენოთ, ამიტომაც საკვები რაციონი გონივრულად და დიდი სიფრთხილით უნდა შეზღუდოთ.
მარტივი სიტყვებით რომ ვთქვათ, კალორიული დეფიციტი არის განსხვავება კალორიებს შორის, რომლებსაც მიირთმევთ და კალორიებს, რომლებსაც დღიურად ხარჯავთ, წვავთ. ენერგიის ხარჯვა არამხოლოდ აისახება თქვენს ფიზიკურ მდგომარეობაზე, არამედ ხელს შუწყობს მეტაბოლურ პროცესებს, რის შედეგადაც მარტივად ხდება ზედმეტი ცხიმის წვა.
ამრიგად, კალორიული დეფიციტი შეიძლება შეიქმნას ორ შემთხვევაში:
- ხშირი ფიზიკური აქტივობა;
- შეზღუდეთ საკვები რაციონი თქვენ პარამტრებზე მორგებული კალორიული დეფიციტის მიხედვით.
როგორ გამოვთვალოთ ჩვენთვის დასაშვები კალორიების მიღების დღიური ნორმა?
დაგეხმარებათ mkurnali.ge-ს მიერ შექმნილი ონლაინ კალკულატორი. აუცილებელია მოცემულ ცხრილში მიუთითოთ თქვენი სქესი, ასაკი, წონა, სიმაღლე და ფიზიკური დატვირთვა.
მიღებული რიცხვების შემდეგ, თქვენ შეძლებთ მიირთვათ თქვენთის სასურველი პროდუქტი, ოღონდ მცირე რაოდენობით. აუცილებელია პროდუქტები გადაანაწილოთ ისე, რომ ჩაეტიოთ დღიურ კალორიულ ნორმაში.ამ დიეტის უპირატესობაა ის, რომ ჭამთ ყველაფერს, მაგრამ შეზღუდული რაოდენობით. შესაბამისად მონატრებული პროდუქტის გადაჭარბებული რაოდენობით მიღების შანსი ნაკლებია.თითოეული პროდუქტის კალორიების რაოდენობა შეგიძლიათ ნახოთ აქ: კალორიების მთვლელი.
პირველი ეტაპისთვის და წონის სწრაფად კლებისთვის, გირჩევთ შეამციროთ ცხიმოვანი საკვები და გაზარდოთ ცილოვანის რაოდენობა: ხორცი, თევზი, კვერცხი, რძის ნაწარმი, ხილი, ბოსტნეული და ა. შ.
სწორ კვებასთან ერთად სასურველია გაზარდოთ ფიზიკური აქტივობა. აუცილებელი არ არის სპორტ დარბაზში სიარული, ამისთვის არსებობს უმარტივესი გზები, მაგალითად:
- აირჩიეთ კიბე და არა ლიფტი ან ესკალატორი;
- გაისეირნეთ სახლამდე ფეხით და არა ტრანსპორტით;
- გააკეთეთ მარტივი საოჯახო საქმეები.
პირველი კვირისთვის გთავაზობთ 1200 კალორიაზე გათვლილ დღის რაციონს.
პირველ რიგში დააფიქსირეთ თქვენი წონა.აიწონეთ სასწორზე, გაიზომეთ წელი, თეძოები და ჩაიწერეთ, რათა შეადაროთ მომავალ კვირას. კვებას შორის სასურველია დაიცვათ 3 საათანი ინტერვალი.
თითო ულუფა არ უნდა აღემატებოდეს 300-350 გრამს.
საუზმე
200 გრ უცხიმო ხაჭოს შეურიეთ 1 ც საშუალო ზომის გახეხილი ვაშლი, შეგიძლიათ დაუმატოთ სულ ცოტა შაქარი + ყავა, ჩაი.
262 კკალ.
წახემსება
ჩაი, ყავა, 2 ც ფორთოხალი, 1 ც მოხარშული კვერცხი.
190 კკალ.
სადილი
ბოსტნეულის წვნიანი (სასურველია ყვავილოვანი კომბოსტო), 2 ნაჭერი პური, 200 გ მოხარშული ან ღუმელში გამომცხვარი ქათმის მკერდი.
245 კკალ.
წახემსება
200 მლ იოგურტი ან კეფირი + ნებისმიერი ხილი ან კენკრა 100 გ
120 კკალ.
ვახშამი
მოხარშული საქონლის ხორცი + ბოსტნეული 300 გ ოდენობით.
360კკალ.
გთავაზობთ მცირე კალორიების ჩამონათვალს 100 გრამ პროდუქტზე.
რძე და რძის პროდუქტები
- ძროხის რძე 2,5%-იანი – 50
- არაჟანი- 160მაწონი – 50
- ხაჭო 6% იანი – 120
- ნადუღი - 230
ყველი
- იმერული – 250
- ქარხნის – 270
- გუდის - 390
- სულგუნი - 260
დანარჩენი პროდუქტების კალორიების რაოდენობა შეგიძლიათ ნახოთ აქ: კალორიების მთვლელი
კალორიული დეფიციტი დაგეხმარებათ მარტივად და ეფექტურად დაიკლოთ წონაში და რაც ყველაზე მნიშვნელოვანია, დაგეხმარებათ მიღებული წონის შენარჩუნებაში.
თიკო ღაჭავა