საზაფხულო სალათი ლომონითა და „გრანა პადანოს“ ყველით - კულინარიული შეჯიბრის #CHEF-მკურნალის გამარჯვებულებისგან - Gemrielia.ge

გთავაზობთ უგემრიელესი საზაფხულო სალათის რეცეპტს, რომელიც კულინარიული შეჯიბრის CHEF-მკურნალის მონაწილეებმა მოამზადეს. ღონისძიება ჟურნალ „მკურნალისა“ და „გემრიელიას“, ასევე ვებგვერდების www.mkurnali.ge-სა და www.gemrielia.ge-ს ორგანიზებით სასტუმრო „მუზეუმში“ ჩატარდა.

რომანოს სალათის ფოთოლი + ავოკადო + ლიმონი + Galbani-ს იტალიური ყველი „გრანა პადანო“ = სრულყოფილებას!

ამ სუბუქი და საოცრად არომატული სალათის მომზადება ძალიან მარტივია!

ინგრედიენტები 4 პორციისთვის:

• რომანოს სალათის ფოთლები
• 1 დიდი ავოკადო (კუბებად დაჭრილი)
• 2 დიდი ლიმონი (წვენი+ცედრა)
• 1 ჭიქა თხლად დათლილი Galbani-ს ყველი „გრანა პადანო“

• 1 ჩაის კოვზი წითელი ჩილის ფანტელები/დაღერღილი წითელი წიწაკა;
• ¼ ჭიქა ზეითუნის ზეთი „ექსტრა ვირჯინი“;
• მარილი, პილპილი გემოვნებით.

მომზადება:

1. რომანოს სალათი გარეცხეთ, გაჭერით შუაზე, შემდეგ დაჭერით დაახლოებით 3 სმ-იან კვადრატებად.
2. გადაიტანეთ სალათის დაჭრილი ფოთლები ღრმა თასში, დაუმატეთ დაჭრილი ავოკადო და მოასხით ახალგამოწურული ლიმონის წვენი.
3. დაუმატეთ ახალი ლიმონის ცედრა, თხელ სლაისებად დაჭრილი ყველი „გრანა პადანო“ და ზეითუნის ზეთი.

1. შეაზავეთ მარილით და პილპილით, თქვენი გემოვნებით.

უგემრიელესი სალათი იტალიური გემოებით - მზადაა!

გემრიელად მიირთვით!