მეცნიერებმა მოიფიქრეს, როგორ გადმოსცენ გემო ეკრანიდან
დოქტორი Nimesha Ranasinghe კოლეგებთან ერთად მუშაობს ახალი მოწყობილობის Digital State Interface-ის სრულყოფაზე, რომელმაც პირველი წარმატებული შედეგები უკვე აჩვენა. ეს გახლავთ გემოს სიმულატორი, რომელსაც შეუძლია ენის რეცეპტორების სტიმულაციის გზით გაგძნობინოთ ტკბილი, მწარე, მარილიანი და მჟავე გემოები. გემოს შეგრძნებები ოდნავ შესამჩნევი ტემპერატურული ცვლილებების შედეგად თავადაც იცვლება.
შემქმნელების აზრით, ამ ტექნოლოგიას დიდი მომავალი აქვს, მიუხედავად იმისა, რომ ჯერ ვერ მოხერხდა უამრავი საბაზისო გემოსა და არომატის აღდგენა. ისინი დარწმუნებულები არიან, რომ მისი გამოყენება შესაძლებელია გემოს შეგრძნებების გადასაცემად სატელევიზიო ან ინტერნეტ კულინარიული შოუების და ასევე კომპიუტერული თამაშების დროს.
გარდა ამისა, შემქმნელები ამტკიცებენ, რომ ეს მოწყობილობა ჯანმრთელობისთვის სიკეთის მომტანი იქნება. მაგალითად, შაქრიანი დიაბეტით დაავადებულებს ან ბავშვებს შეეძლებათ ისე იგრძნონ ტკბილეულის გემო, რომ არ შეჭამონ. ისინი უკვე მუშაობენ ციფრული ტკბილეულის შექმნაზეც.