შეიძლება თუ არა საკვების გაყინვა და რამდენი ხანია გაყინული საკვები პროდუქტის ვარგისიანობა - ზაზა თელიას რეკომენდაციები
დერმატო-ვენეროლოგი ზაზა თელია სოციალურ ქსელში აქვეყნებს ინფორმაციას იმის შესახებ, თუ რამდენ ხანს ძლებს ესა თუ ის მაცივარში გაყინული და რამდენ ხანში ფუჭდება ის. ექიმის პოსტს უცვლელად გთავაზობთ.
"ხშირი და აქტუალური კითხვა - შეიძლება თუ არა საკვების გაყინვა?
საყინულეში მჭიდროდ შეფუთულ მდგომარეობაში, ან დალუქულ კონტეინერში ბევრი საკვები პროდუქტი ვარგისიანობასა და კარგ თვისებებს ინარჩუნებს თვეების განმავლობაში.ეს დრო საკვები პროდუქტების მიხედვით განსხვავდება:
1. კარაქი - 6-დან 9 თვემდე;
2. ბანანი - 2-3 თვე;
3. კვერცხის ცილა ან გული - 1 წელი;
4. ყველი - გაუხსნელი, ქარხნულად შეფუთული ყველი - 6 თვე დაჭრილი ყველი - 3-4 თვე;
5. შეუჭმელი, დარჩენილი პიცა - 1-2 თვე;
6. ავოკადო - 8-12 თვე;
7. მცენარეული საკვები - 6 თვე;
8. პური - გამომცხვარი - 1 თვე; არაგამომცხვარი კონსერვანტების გარეშე - 3-5 თვე;
9. რძე - 3 თვე;
10. კანფეტი - 3-6 თვე;
11. ნაჭუჭიანი თხილეული - 6 თვე ან მეტი;
12. შემწვარი მორჩენილი საკვები - ხორცეული - 2-3 თვე .ქათამი, ინდაური ან თევზეული - 4-6 თვე;
13. წვნიანი ან სოუსის ტიპის მოთუშული კერძი ბოსტნეულით და ხორცით - 2-3 თვე.
ასე რომ ნუ გადაყრით საკვებ პროდუქტებს, მორჩენილ საკვებს - გახსოვდეთ რომ ბევრი ადამიანი განსაკუთრებით ჩვენს ქვეყანაში მშიერია ყოველდღიურად.
შეგიძლიათ გაყინოთ პროდუქტები, შეინახოთ ან დაურიგოთ გაჭირვებულებს", -წერს ზაზა თელია.