"ამ შეცდომას ძალიან ხშირად უშვებენ... " - ყველაფერი რაც აუცილებლად უნდა იცოდეთ, რომ მწვადი იდეალურად იყოს შემწვარი
დაჭრა
სამწვადე ხორცის დაჭრას გკარნახობს თავად ხორცის ტიპი, მონაჭერი ნაწილი და ცხიმიანობა. ზოგადად ასეა, რომ რაც უფრო ცხიმიანია ხორცი, მით უფრო დიდ ნაჭრებად უნდა დაიჭრას, რადგან წვის დროს ცხიმის დნობა იწყება და ხორცი უფრო წვნიანი და თანაბრად შემწვარი გამოდის. მჭლე ხორცი და ფრინველი სწრაფად უნდა შეიწვას. ამისათვის გამოიყენებენ არა რკინის შამფურებს, არამედ ერთი საათით წყალში დამბალ ბამბუკის ჩხირებზე, ან ცხაურაზე.
დამარინადება
თანამედროვე პირობებში ხორცის დამარინადება საჭიროა მისი გემოვნური თვისებების გასამდიდრებლად და არა დასარბილებლად. თუ ხორცში სიმჟავის დამატება გვინდა, მარინადში ემატება მშრალი ღვინო, ციტრუსის წვენი ან ძმარი. დამარინადება 1 საათზე მეტი არაა მიზანშეწონილი. თუ გსურთ, რომ მარინადის გემომ ღრმად შეაღწიოს, იგი უნდა მოამზადოთ ზეთზე ან ერბოზე. ამ შემთხვევაში დამარინადების დრო გრილ ადგილას 24 საათამდე გაიზრდება.
ნახშირი
გაყიდვაშია სხვადასხვა ხარისხის ნახშირი. ძირითადად, ასეთ ნახშირს ერთი უარყოფითი თვისება გააჩნია ტომარაში შეგროვებულია სხვადასხვა ზომის ნაჭრები და შეიცავს უამრავ ნაფხვენს, რაც მომენტალურად იწვება. ამიტომ უმჯობესია, თავად მოვამზადოთ ხისაგან. ხეხილის ნახშირი ხორცს თავის არომატს სძენს. ნახშირის მისაღებად ცეცხლი უმჯობესია ავანთოთ ქაღალდისადა პატარა ტოტების საშუალებით.
შეწვა
თუ ცხაურაზე ვწვავთ, აუცილებელია შეწვამდე მისი გამოწვა. თუ ცხაურა ახალია, უნდა გავაცხელოთ,წავუსვათ ცხიმი, რათა არ მიიკრას ხორცი. დიდი ნაჭრები უმჯობესია შეიწვას ბარბექიუს თავსახური ან ქვაბში. ნახშირზე შეწვისას უნდა გავითვალისწინოთ ტემპერატურა, რომელიც დამოკიდებულია ნახშირის ზომასა და ცხაურას სიახლოვეზე.
„დასვენება“
მზა მწვადი უნდა „დავასვენოთ “ თეფშზე ან ფოლგაზე 5-15 წუთით და შემდეგ მივიტანოთ ყველაფერი გრილისა და მწვადის შესახებ 47 სასარგებლო რჩევები სუფრაზე. ამ დროში წვენი თანაბრად გადანაწილდება და ხორცი უფრო გემრიელი გახდება. გასათვალისწინებელია, რომ ცეცხლიდან გადმოდგმის შემდეგ ხორცის შიგა ტემპერატურა 2 გრადუსამდე აიწევს და ამიტომ ზედმეტად არ გავაჩეროთ ცეცხლზე.
