რამდენიმე სასარგებლო რჩევა ხორცის უკეთ მოსამზადებლად
• უმ ხორცს მარილი უშუალოდ შეწვის წინ მოაყარეთ. მარილი დეჰიდრატაციას იწვევს, ანუ ხორციდან სითხეს გამოდევნის, შედეგად ხორცი მშრალი და ნაკლებად გემრიელი გამოდის.
• მოხარშული ხორცი რომ წვნიანი იყოს, ბულიონიდან მხოლოდ სუფრაზე მიტანის წინ ამოიღეთ. მანამდე დატოვეთ იმავე ქვაბში, რომელშიც მოხარშეთ, თავდახურული, თავისივე ნახარშ წყალში.
• ღუმელში შეწვის დროს, დაამატეთ ხორცს ცოტა მარილი, შავი პილპილი, ცხიმი, ცოტა წყალი და 1-2 კოვზი კონიაკი. ხორცი უფრო ნაზი, უფრო წვნიანი და უფრო გემრიელი გამოვა.
• საქონლისა და ცხვრის ხორცი უფრო რბილი რომ იყოს, ხარშვის დროს 1 ს.კ ძმარი ჩააამატეთ.
• ხორცი ღუმელში შეწვისას რომ არ გამოშრეს და დაიწვას, ქვეშ ჯამით წყალი დაუდგით. მისი ორთქლი ხორცს ტენს შეუნარჩუნებს.