ქართული ჩაის 5 არომატი შემოდგომის მყუდრო დღეებისთვის
შემოდგომის გრილ დღეებს ცხელი და არომატული ჩაი ყოველთვის უხდება. ჩინური ფესვების მქონე ჩაი სამი ათასწლეულის ისტორიას ითვლის და შეიძლება ითქვას, რომ მსოფლიოში ერთ-ერთი ყველაზე პოპულარული სასმელია. ჩაი ადამიანის ცხოვრების იმდენად განუყოფელი ნაწილია, რომ მისი არომატი და სურნელი ბავშვობისდროინდელ მოგონებებსაც კი აღძრავს.
საოჯახო მარაგების ონლაინ მაღაზიას „ჩემი მარაგი" ოქტომბრის თვეში ჩაის ხუთი სახეობა დაემატა. ქართული წარმოების ჩაი განსაკუთრებული გემოთი და არომატით ხასიათდება, რომელიც დაგემოვნებისთანავე გახდება მომხმარებლების ფავორიტი.
მწვანე ჩაი
ქართული ფოთლოვანი მწვანე ჩაი გამოირჩევა ნაზი, რბილი გემოთი, საოცარი მცენარეული არომატითა და კოფეინის დაბალი შემცველობით. მისი გამაჯანსაღებელი თვისებები დადებითად მოქმედებს როგორც სხეულზე, ასევე გონებაზე.
მწვანე ჩაის ყველაზე ხშირად წონის კლების პროცესში იყენებენ, რადგან ის მეტაბოლიზმის ბუნებრივი გამააქტიურებელია. ეს სასმელი მდიდარია ანტიოქსიდანტებით, რაც ეხმარება ორგანიზმს ანთებითი პროცესებისა და გულთან დაკავშირებული დაავადებების წინააღმდეგ ბრძოლაში.
სულ მცირე, ერთი ყლუპის დალევისთანავე იგრძნობთ, როგორ ფხიზლდება თქვენი ორგანიზმი და ივსება ენერგიით. ეს იმით აიხსნება, რომ მწვანე ჩაი შეიცავს კოფეინისა და L-თეანინის უნიკალურ კომბინაციას.
მწვანე ჩაის ყველა სასარგებლო თვისების მაქსიმალურად მისაღებად, უმჯობესია, თუ მას შაქრის გარეშე მიირთმევთ.
შავი ჩაი
მიუხედავად იმისა, რომ შავ ჩაის მწვანე ჩაისგან განსხვავებით უფრო მძაფრი გემო აქვს, საინტერესოა, რომ ორივე ერთი და იმავე მცენარისგან მზადდება, თუმცა მათი დამუშავების წესი განსხვავებულია. განსხვავებულია ისიც, რომ შავი ჩაი ბევრად მეტ ბუნებრივ კოფეინს შეიცავს და მასტიმულირებელი ეფექტიც გააჩნია.
ანტიოქსიდანტების მაღალი შემცველობის წყალობით, შავი ჩაის ხშირი მოხმარება ამცირებს გულთან დაკავშირებული დაავადებების რისკს. ზოგიერთი კვლევა იმასაც ცხადყოფს, რომ შავი ჩაი იდეალურია ძვლების ჯანმრთელობისთვის. ამრიგად, დასამშვიდებლად მწვანე ჩაი მიირთვით, ხოლო სიფხიზლის შენარჩუნებასა და კონცენტრაციის გაუმჯობესებაში შავი ჩაი დაგეხმარებათ.
ხილის ჩაი
ქართული ხილის ჩაი სხვადასხვა ტყის კენკროვანი მცენარის ნაკრებისგან მზადდება. მწვანე და შავი ჩაისგან განსხვავებით, ხილის ჩაი კოფეინს არ შეიცავს. სწორედ ამის გამო, ეს სახეობა უზრუნველყოფს ორგანიზმის უკეთეს ჰიდრატაციას მთელი დღის განმავლობაში. ამასთან ერთად, მისი მიღება შესაძლებელია დღე-ღამის ნებისმიერ მონაკვეთში, კოფეინით გამოწვეული უძილობის შიშის გარეშე.
ხილის ჩაი იდეალური ცხელი სასმელია შემოდგომის სუსხიანი დღეებისთვის. იგი მდიდარია C ვიტამინით, რომელიც აძლიერებს იმუნურ სისტემას და ეხმარება ორგანიზმს გაციებისა და სხვადასხვა ვირუსის წინააღმდეგ ბრძოლაში.
მრავალფეროვანი არომატით, ვიტამინების სიუხვითა და კოფეინის არარსებობით, ეს სასმელი იდეალურ არჩევანს წარმოადგენს ნებისმიერი ასაკის ადამიანისთვის, როგორც ცხელი, ისე ცივი სახით.
მოცვის ჩაი
მოცვის ჩაი, ხილის ჩაის მსგავსად, კოფეინს არ შეიცავს. იგი იდეალური არჩევანია მომჟავო არომატების მოყვარულთათვის. აღნიშნული ჩაი ქართული გამომშრალი მოცვისგან მზადდება და გამოირჩევა ძლიერი ანტიოქსიდანტური თვისებებით.
ზოგიერთი კვლევის თანახმად, მოცვის ჩაის რეგულარული მიღება აუმჯობესებს მეხსიერების ფუნქციას. გარდა ამისა, მოცვის ჩაი მდიდარია C ვიტამინითა და უჯრედისით, რაც ხელს უწყობს ძლიერი იმუნური და ჯანსაღი საჭმლის მომნელებელი სისტემის ჩამოყალიბების პროცესს.
მისი გამორჩეული არომატის წყალობით, მოცვის ჩაის მიღება შესაძლებელია შაქრის დამატების გარეშე, რაც საშუალებას გაძლევთ, თავიდან აიცილოთ ზედმეტი კალორიები.
ვარდის ჩაი
დელიკატური არომატი ყვავილოვანი ნოტებით - ვარდის ჩაი ნაზი გემოების მოყვარულთა გულებს დაიპყრობს. არაჩვეულებრივ სურნელთან ერთად, ვარდის ჩაი მრავალი სასარგებლო თვისებით გამოირჩევა. ის ხშირად გამოიყენება ორგანიზმის გასაწმენდად, რადგან ამცირებს დისკომფორტს საჭმლის მომნელებელ სისტემაში. მისი ანტიბაქტერიული და ანთების საწინააღმდეგო თვისებები ამსუბუქებს ყელის ტკივილსა და გაციების სიმპტომებს. ამასთან ერთად, ვარდის ჩაის დამამშვიდებელი არომატი დადებითად მოქმედებს მენტალურ მდგომარეობაზე და იდეალურია ძალებისა და ენერგიის აღსადგენად.
„ჩემი მარაგი“ გთავაზობთ ქართული წარმოების მწვანე, შავი, ხილისა და მოცვის ჩაის, რომლებიც იდეალურად ასახავს საქართველოს მდიდარ კულტურულ მემკვიდრეობასა და ბუნებრივ მრავალფეროვნებას. შეარჩიეთ ჩაის სახეობა გემოვნების მიხედვით და აღმოაჩინეთ ახალი არომატები სახლიდან გაუსვლელად. ჩემი მარაგის უფასო საკურიერო მომსახურება სასურველ პროდუქტს მთელი საქართველოს მასშტაბით, ნებისმიერ ადგილას მოგართმევთ. ეს შესაძლებლობას მოგცემთ, შემოდგომის გრილ საღამოებს განსაკუთრებული სითბო შემატოთ და ქართული ჩაის არომატი თქვენს საყვარელ ადამიანებს გაუზიაროთ.
- 032 2 42 47 97
- www.chemimaragi.ge
- www.facebook.com/chemimaragi
R