5 ძალიან მარტივი და გემრიელი რეცეპტი, რომელიც შეგიძლიათ აეროგრილში მოამზადოთ - Gemrielia.ge

აეროგრილი თანამედროვე სამზარეულოს ერთ-ერთი ყველაზე მოსახერხებელი მოწყობილობაა, რომელიც საშუალებას გაძლევთ მარტივად და სწრაფად მოამზადოთ ჯანსაღი და გემრიელი კერძები. მისი მძლავრი ჰაერის ცირკულაციის სისტემა საკვებს თანაბრად ათბობს, რაც კერძებს უნარჩუნებს ტექსტურას, გემოსა და არომატს, ამავე დროს კი ამცირებს ზეთის გამოყენებას. სწორედ ამიტომ, აეროგრილი იდეალური არჩევანია მათთვის, ვინც ჯანსაღი კვების დაცვას ცდილობს ან უბრალოდ სამზარეულოში დროის დაზოგვა სურს.

აეროგრილი შესანიშნავია ქათმის, თევზის, ბოსტნეულის, კარტოფილისა თუ დესერტების მოსამზადებლად. რეცეპტები, რომლებსაც ამ მოწყობილობაში ამზადებთ, არა მხოლოდ გემრიელი, არამედ დაბალკალორიული და სასარგებლოა.

ამ სტატიაში წარმოგიდგენთ სხვადასხვა რეცეპტს, რომლებსაც აეროგრილში მარტივად მოამზადებთ.

ქათმის ფილე მწვანილებით

ინგრედიენტები:

• ქათმის ფილე - 2 ცალი
• ზეითუნის ზეთი - 2 სუფრის კოვზი
• ნიორი - 2 კბილი (დაჭრილი)
• როზმარინი, ორეგანო მარილი და პილპილი გემოვნებით

მომზადების წესი:

1. ქათმის ფილე დაამარინადეთ ზეთში, ნიორში და სანელებლებში. დატოვეთ 20 წუთით.
2. ჩადეთ აეროგრილში და გამოაცხვეთ 180°C-ზე 15-20 წუთის განმავლობაში, სანამ გარე ფენა ოქროსფერი არ გახდება.

ბოსტნეულის გრილი

ინგრედიენტები:

• ბულგარული წიწაკა - 2 ცალი
• ყაბაყი - 1 ცალი
• სოკო - 200 გ
• ზეითუნის ზეთი - 2-3 სუფრის კოვზი
• მარილი, პილპილი და ხმელი მწვანილები გემოვნებით

მომზადების წესი:

1. ბოსტნეული დაჭერით მსხვილად, მოასხით ზეთს და მოაყარეთ სანელებლები.
2. ჩადეთ აეროგრილში და გამოაცხვეთ 180°C-ზე 15 წუთის განმავლობაში, დროდადრო აურიეთ.

კარტოფილი აეროგრილში

ინგრედიენტები:

• კარტოფილი - 4-5 ცალი
• მცენარეული ზეთი - 2 სუფრის კოვზი
• მარილი, წიწაკა და პაპრიკა გემოვნებით

მომზადების წესი:

1. კარტოფილი დაჭერით ჯოხებად ან ნახევარწრეებად.
2. მოასხით ზეთი და მოაყარეთ სანელებლები.
3. ჩადეთ აეროგრილში და გამოაცხვეთ 200°C-ზე 20-25 წუთის განმავლობაში, სანამ ოქროსფერი არ გახდება.

თევზის ფილე ლიმონის არომატით

ინგრედიენტები:

• თევზის ფილე (ორაგული, კალმახი ან ტილაპია) - 2 ცალი
• ლიმონის წვენი - 1 ცალი
• ზეითუნის ზეთი - 1 სუფრის კოვზი
• ნიორი, როზმარინი, მარილი და პილპილი გემოვნებით

მომზადების ინსტრუქცია:

1. თევზის ფილე დაამარინადეთ ლიმონის წვენში, ზეთში და სანელებლებში. დატოვეთ 15-20 წუთით.
2. გამოაცხვეთ აეროგრილში 190°C-ზე 10-15 წუთის განმავლობაში.

ქათმის ფრთები ბარბექიუ (BBQ) სოუსით

ინგრედიენტები:

• ქათმის ფრთები - 500 გ
• BBQ სოუსი - 4 სუფრის კოვზი
• მარილი და წიწაკა გემოვნებით

მომზადების წესი:

1. ქათმის ფრთებს წაუსვით ბარბექიუ სოუსი და მოაყარეთ მარილი და პილპილი. დატოვეთ 30 წუთით.
2. გამოაცხვეთ აეროგრილში 200°C-ზე 20 წუთის განმავლობაში, ნახევარი დროის შემდეგ გადმოაბრუნეთ.