არაჟანი - ჯანსაღი საკვები და დაუვიწყარი გემო თქვენს ყოველდღიურობაში
ჯანსაღი კვება ძირითადად უგემურ და დაბალკალორიულ საკვებთან ასოცირდება, თუმცა გვავიწყდება, რომ არსებობს ჯანსაღი, გამორჩეული გემოს პროდუქტები. ასეთი პროდუქტია არაჟანი, რომელიც საუკუნეებია ქართულ სუფრაზე განსაკუთრებულ ადგილს იკავებს. არაჟნის მომზადების ტრადიციული მეთოდი მას უნიკალურ გემოსა და ჯანმრთელობისთვის სასარგებლო თვისებებს აძლევს. კომპანია „სვანური“ აერთიანებს ტრადიციულ რეცეპტსა და თანამედროვე სტანდარტებს, რათა მომხმარებელს მაღალი ხარისხის, ჯანმრთელობისთვის სასარგებლო არაჟანი შესთავაზოს.
რა სასარგებლო თვისებები აქვს არაჟანს?
არაჟანი არა მხოლოდ გემრიელი, არამედ ჯანმრთელობისთვის სასარგებლო პროდუქტია. იგი შეიცავს:
- ცილებს – აუცილებელია კუნთოვანი მასის შესანარჩუნებლად და აღსადგენად.
- კალციუმს – ძვლების და კბილების სიმტკიცისთვის აუცილებელ მინერალს.
- A, D და B ჯგუფის ვიტამინებს – მნიშვნელოვანია იმუნური სისტემის, მხედველობის და ენერგიის გამომუშავებისთვის.
- პრობიოტიკებს – ხელს უწყობს საჭმლის მონელების გაუმჯობესებას და ნაწლავური მიკროფლორის ბალანსის შენარჩუნებას.
ხშირად იბადება კითხვა, თუ რამდენად სასარგებლოა არაჟნის ყოველდღიურად მოხმარება? პასუხი მარტივია - ზომიერად მოხმარების შემთხვევაში არაჟანი სრულყოფილი საკვები კომპონენტია. იგი საჭირო ენერგიით უზრუნველყოფს ორგანიზმს, ხელს უწყობს ნივთიერებათა ცვლას და ადვილად ათვისებადია. არაჟანი მაიონეზის საუკეთესო ჯანსაღი ალტერნატივაა და მას მრავალმხრივი გამოყენება შეგვიძლია მოვუძებნოთ:
- საუზმეზე – პურთან ან ხაჭაპურთან ერთად.
- სალათებში – მოვამზადოთ არაჟნის სოუსები ბოსტნეულის ან ხორცის სალათებისთვის.
- დესერტებში – დავამატოთ ხილს ან ნამცხვრების კრემს.
- წვნიან კერძებსა და საწებლებში – გემოსა და სტრუქტურის გასაუმჯობესებლად.
არაჟანი სწორედ ის პროდუქტია, რომელიც ყოველთვის უნდა გვქონდეს მაცივარში ჩვენი ყოველდღიური რაციონის გასამდიდრებლად.
როგორ მზადდება არაჟანი და რას უნდა მივაქციოთ ყურადღება შეძენისას?
არაჟანი მზადდება რძის დუღილის შედეგად, მაღალი ხარისხის ნაღებისგან. დუღილის პროცესში რძეში არსებული ბუნებრივი ფერმენტები იწვევს რძემჟავას დუღილს, რაც საბოლოოდ არაჟნისთვის დამახასიათებელ რბილ, ნაღებისმსგავს ტექსტურასა და ნაზ, ოდნავ მჟავე გემოს წარმოქმნის. სწორედ ამ ბუნებრივ პროცესზეა დაფუძნებული სოფლის ტრადიციული მეთოდები.
არაჟანს არ სჭირდება ინტენსიური ტექნოლოგიური დამუშავება, რის გამოც იგი ინარჩუნებს თავის ბუნებრივ გემოსა და სტრუქტურას. მისი შერჩევისას აუცილებლად უნდა მივაქციოთ ყურადღება ეტიკეტზე მოცემულ ინფორმაციას, რომ არ შეიცავდეს კონსერვანტებსა და ხელოვნურ დანამატებს, არამედ მხოლოდ ნაღებსა და რძის ფერმენტებს. ხარისხიან არაჟანს უნდა ჰქონდეს მაღალი კვებითი ღირებულება, რაც ასევე ეტიკეტზე უნდა იყოს აღნიშნული.
კომპანია „სვანურს“ მაღალი ხარისხის რძის პროდუქტების წარმოების 20-წლიანი გამოცდილება აქვს. მისი საწარმო სრულყოფილადაა მოწყობილი თანამედროვე ტექნიკით. მაღალი დონის პროფესიონალები მუდმივად ზრუნავენ საიმისოდ, რომ მომხმარებელს ჯანსაღი და უსაფრთხო პროდუქტი შესთავაზონ. თანამედროვე ტექნოლოგიების მიუხედავად, „სვანური“ იცავს არაჟნის წარმოების ტრადიციულ მეთოდებს, რაც მისი პროდუქტის ხარისხსა და სიჯანსაღეზე აისახება.
R