შეცდომები, რომელსაც სამზარეულოში ყველაზე ხშირად უშვებენ
1. კარტოფილისა და პომიდვრის ერთად მომზადება.
თუ უმ კარტოფილს ცოცხალ პამიდორს დაამატებთ, რამდენ ხანსაც არ უნდა შუშოთ, კარტოფილი ცოტა უმი და მაგარი დარჩება. ამაში "დამნაშავე" პამიდორში შემავალი მჟავებია, რომელიც სხვა ბოსტნეულის მომზადების პროცესს აფერხებს. პამიდორი და მისი შემცველი სოუსები კერძს მაშინ ემატება, როცა სხვა ბოსტნეული თითქმის მზად არის.
2. ხორცის დაჭრა
ერთ-ერთი ყველაზე გავრცელებული შეცდომა ხორცის დაჭრის დროს მოსდით. ის აუცილებლად კუნთოვანი ბოჭკოების პერპენდიკულარულად უნდა დაჭრას. ასე დაჭრილი ხორცი მომზადების შემდეგ უფრო რბილი გამოდის.
3. რძის კოქტეილი მჟავე ხილით
თუ რძის კოქტეილს მჟავე ხილით, მაგალიტად წითელი მოცხარით მოამზადებთ, ჩვეული გემრიელი სასმელის ნაცვლად არაერთგვაროვან გაუგებარ ნარევს მიიღებთ. მაჟავე ხილი რძეს აჭრის. კოქტეილისთვის უკეთესია ტკბილი კენკრა შეარჩიოთ.
4. კარტოფილის პიურეს მომზადება ბლენდერში.
ბლენდერის დახმარებით პიურეს მომზადებას არცერთი პროფესიონალი მზარეული არ გირჩევთ. შედეგად მიიღებთ არა გემრიელ, ჰაეროვან გარნირს, არამედ წებოვან მასას.
5. წითელი კომბოსტოს წვნიანი
თუ გადაწყვეტთ, რომ წვნიანში თეთრის ნაცვლად წიტელი კომბოსტო გამოიყენოთ, იცოდეთ, რომ საბოლოოდ ლურჯ წვნიანს მიიღებთ. მომზადების პროცესში წითელი კომბოსტო სწორედ ასეთ ფერს იღებს. თუმცა ეს გემოზე არ აისახება და თუ ასეთი უცნაური ფერი არ გეხამუშებათ, შეგიძლიათ თამამად მიირთვათ.
6. სუპი მაგარი ყველით
თუ ყველიან წვნიანს ამზადებთ და რბილის ნაცვლად მხოლოდ მაგარი სორტის ყველი გაქვთ, სჯობს გეგმა შეცვალოთ ან მაღაზიაში ჩაბრუნდეთ. მაგარი ყველის გამოყენების შემთხვევაში, სქელი, ერთგვაროვანი წვნიანის ნაცვლად მიიღებთ წყალს მცურავი ყველის ნაწილებით. თანაც, ყველის "ფაფა" ქვაბის ძირზე დაგროვდება. წვნიანისთვის მხოლოდ რბილი სახეობის ყველია რეკომენდირებული.
7. კივის ჟელე
კივი და ჟელატინი ერთმანეთთან არ მეგობრობენ, ამიტომ ჟელეს მომზადებისას ნურასოდეს გამოიყენებთ ცოცხალ კივის.
8. სოდა და ძმარი
სოდას ძმარი უშუალოდ ცომში დაასხით. ცალკე გაზავების შემთხვევაში, ცომში მხოლოდ რეაქციის "ნარჩენები" ხვდება.
9. მეტისმეტად ახალი ხორცი
ბევრი ცდილობს კერძი მხოლოდ მეტისმეტად ახალი ხორცით მოამზადოს, შეიძლება ითქვას დაკვლისტანავე. შეიძლება გაგიკვირდეთ, მაგრამ ასეთი ხორცით უფრო მაგარ და უგემურ შედეგს მიიღებთ, რადგან კუნთები ჯერ კიდევ დაჭიმულია. ხორცი აუცილებლად უნდა მომწიფდეს, დაკვლიდან 24 საათის შემდეგ, ფერმენტების მოქმედებით უფრო ნაზი და რბილი ხდება