ცნობილი შეფმზარეულის ლუკა ნაჭყებიას ჩიხირთმის რეცეპტი - ტრადიციული კერძის განსხვავებული ვერსია
თუ ფიქრობთ, რომ კლასიკური ჩიხირთმით ვეღარავის გააკვირვებთ, ეს რეცეპტი თქვენს წარმოდგენას შეცვლის. ცნობილი შეფმზარეული, ლუკა ნაჭყებია, Chef Cave-ის Youtube არხზე გვთავაზობს ქართული სამზარეულოს მარგალიტის სრულიად განსხვავებულ ვერსიას, სადაც ფრანგული „რუ“, არომატული მწვანე სოუსი და ლაიმის მჟავე ნოტები ერთიანდება:
პირველ რიგში, დავჭრათ ქათამი, ფილე დავამარინადოთ მარილწყალში და შევინახოთ.
დარჩენილი ჯუჯულა დავამარილოთ და გავაკეთოთ ბულიონი, და დავუმატოთ ნახევარი ხახვი.
ასევე დაგვჭირდება 2 კბილი ნიორი (მოვშუშოთ).
სოუსისთვის დაგვჭირდება:
- კამა და ქინძი
- 1 კბილი ნიორი
- 4 სუფრის კოვზი ძმარი
- 4 სუფრის კოვზი მზესუმზირის ზეთი
ეს ყველაფერი დავაბლენდეროთ და დავამატოთ 1 კვერცხის გული, შემდეგ ისევ დავაბლენდეროთ და გადავწუროთ.
რუ
- ფქვილი მოვხალოთ და დავამატოთ 50 გრამი კარაქი.
- 50 გრამი რუ დავამატოთ კარამელიზირებულ ხახვს და ნიორს და დავაბლენდეროთ.
- დავუმატოთ ცოტაოდენი ბულიონი და გავაგრძელოთ დაბლენდერება
- წამოდუღების შემდეგ გავთიშოთ ვაცადოთ გაგრილება
- დავამატოთ 2 კვერცხი და დავაბლენდეროთ
- შემდეგ ეტაპზე, გავაცხელოთ ტაფა და ქათმის დამარინადებული ფილეები შევბრაწოთ.
- შემდეგ დავადეგლაზიროთ წყლით, დავამატოთ ცხარე წიწაკა და ლაიმის წვენი.
ჩიხირთმა მზადაა!