7 პროდუქტი, რომელიც მუცლის არეში ცხიმის წვას უწყობს ხელს - დიეტოლოგის რჩევები
სასურველი ფიგურის მისაღწევად მხოლოდ ვარჯიში საკმარისი არ არის. კვების რაციონი გადამწყვეტ როლს თამაშობს, განსაკუთრებით მაშინ, როდესაც საქმე მუცლის არეში დაგროვილ ჯიუტ ცხიმს ეხება. ცნობილი დიეტოლოგი ტარა კოლინგვუდი გამოყოფს 7 ყოველდღიურ პროდუქტს, რომლებიც ნივთიერებათა ცვლას აჩქარებენ და დანაყრების შეგრძნებას დიდხანს ინარჩუნებენ.
1. ავოკადო
ავოკადო მდიდარია ჯანსაღი (მონოუჯერებული) ცხიმებით. ის არეგულირებს სისხლში შაქრის დონეს, ამცირებს შიმშილის გრძნობას და გვეხმარება მუცლის არეში ცხიმის მოცილებაში.
- რჩევა: დაამატეთ სალათებში, მოამზადეთ ტოსტები, მაგრამ გახსოვდეთ ზომიერება - ავოკადო საკმაოდ კალორიულია.
2. კვერცხი
ეს არის ცილის საუკეთესო წყარო მათთვის, ვინც წონაში კლებას ცდილობს. კვერცხი სტაბილურს ხდის შაქრის დონეს და ორგანიზმს აიძულებს მეტი კალორია დახარჯოს საკვების მონელებისას.
- რჩევა: კალორიების დასაზოგად, შეგიძლიათ 1-2 მთლიან კვერცხს მხოლოდ ცილა დაამატოთ.
3. კენკრა
ლურჯი მოცვი, მარწყვი და ჟოლო დაბალკალორიული, მაგრამ ბოჭკოთი (უჯრედისით) მდიდარი პროდუქტებია. ისინი ებრძვიან ორგანიზმში ანთებით პროცესებს და ხელს უწყობენ ცხიმების წვას.
- რჩევა: გამოიყენეთ როგორც ახალი, ისე გაყინული სახით იოგურტსა თუ სმუზიში.
4. ზეითუნის ზეთი
მიუხედავად იმისა, რომ ცხიმია, ზეითუნის ზეთი "მეგობარია" წონაში კლებისას. ის გვეხმარება მადის კონტროლსა და ცხიმოვანი ცვლის გაუმჯობესებაში.
- რჩევა: რამდენიმე წვეთი სალათაზე სრულიად საკმარისია სასურველი ეფექტისთვის.
5. თხილეული
ნუში, ნიგოზი და ფსტა (ფისტაშკა) ცილისა და ჯანსაღი ცხიმების წყაროა. ისინი აჩქარებენ მეტაბოლიზმს და თრგუნავენ შიმშილის გრძნობას.
- შენიშვნა: დღიური ნორმა მხოლოდ ერთი მუჭაა!
6. ლობიო და ოსპი
ბარდისებრთა ოჯახის პროდუქტები მდიდარია მცენარეული ცილითა და ბოჭკოთი. ისინი აუმჯობესებენ მონელებას და ხელს უწყობენ დანაყრების ხანგრძლივ შეგრძნებას.
7. ფოთლოვანი მწვანილი
ისპანახი, კალე (ხუჭუჭა კომბოსტო) და რუკოლა მინიმალურ კალორიებს შეიცავს. მწვანილი ამცირებს მუცლის შებერილობას და ქმნის კალორიების დეფიციტს, რაც აუცილებელია ცხიმის წვისთვის.
დიეტოლოგის დასკვნა: „გახსოვდეთ, მხოლოდ ერთი პროდუქტი სასწაულს ვერ მოახდენს. საუკეთესო შედეგისთვის ეს პროდუქტები შეუხამეთ ფიზიკურ აქტივობას, ძილის რეჟიმს და წყლის მიღებას“.