ყავა საუზმემდე თუ შემდეგ? - მნიშვნელოვანი ინფორმაცია, რომელიც თქვენს დილის რუტინას შეცვლის
ბევრ ჩვენგანს დილა ყავის გარეშე ვერ წარმოუდგენია, თუმცა ხშირად ჩნდება კითხვა: როდის არის მისი მიღება უფრო სასარგებლო - უზმოზე თუ საუზმის შემდეგ? კვლევებზე დაყრდნობით, გთავაზობთ დეტალურ ინფორმაციას, რომელიც დაგეხმარებათ სწორი არჩევანის გაკეთებაში.
ზოგადად, თუ ყავას კარგად იტანთ და დილით მისი უზმოზე დალევა თქვენს ორგანიზმზე უარყოფითად არ მოქმედებს, რუტინის შეცვლა აუცილებელი არ არის. თუმცა, არსებობს გარკვეული ნიუანსები, რომლებიც გასათვალისწინებელია.
ყავა უზმოზე
უპირატესობები:
- ცარიელ კუჭზე ყავა უფრო სწრაფად მოქმედებს და მყისიერად გმატებთ ენერგიას.
- თუ დილით ადრე ვარჯიშობთ, ყავა საუკეთესო დამხმარეა ფიზიკური მაჩვენებლების გასაუმჯობესებლად.
- ნაწლავები უფრო სწრაფად ითვისებენ ყავაში არსებულ სასარგებლო ნივთიერებებსა და ანტიოქსიდანტებს.
ნაკლოვანებები:
- კვლევები (Cambridge University Press) აჩვენებს, რომ უზმოზე მიღებულმა კოფეინმა შესაძლოა გაართულოს სისხლში შაქრის დონის რეგულირება.
- ყავამ შეიძლება ხელი შეუშალოს ზოგიერთი წამლის (მაგალითად, არტერიული წნევის ან ფარისებრი ჯირკვლის სამკურნალო საშუალებების) შეწოვას.
- თუ გაწუხებთ გაღიზიანებული ნაწლავის სინდრომი ან კუჭის პრობლემები, უზმოზე დალეულმა ყავამ შესაძლოა დისკომფორტი გამოიწვიოს.
ყავა საუზმის შემდეგ
ექსპერტების აზრით, საუზმის შემდეგ ყავის მიღება ბევრისთვის უფრო რეკომენდებული და უსაფრთხოა:
- საუზმესთან ერთად ან მის შემდეგ ყავის მიღება თავიდან აგარიდებთ დილით სისხლში შაქრის მკვეთრ მერყეობას.
- კვლევები (National Library of Medicine) მიუთითებს, რომ ეს ვარიანტი უფრო სასარგებლოა საჭმლის მომნელებელი სისტემისთვის.
არსებობს რამდენიმე მყარი მიზეზი, რის გამოც ღირს ჯერ საუზმით დატკბეთ და შემდეგ მიირთვათ ფინჯანი ყავა. თუ ყავას ჭამამდე დალევთ, თავიდან აიცილებთ სისხლში შაქრის დონის შესაძლო ნახტომს დილიდანვე. გარდა ამისა, ეს ვარიანტი უკეთესია მონელებისთვის.