რა მოხდება თქვენს ორგანიზმში, თუ ნუშს ყოველდღე შეჭამთ?
ნუში სასარგებლო მინერალებით მდიდარი პროდუქტია და იდეალური არჩევანია წასახემსებლად. დიეტოლოგებისა და მედიკოსების განმარტებით, დღის განმავლობაში ნუშის მცირე პორციის მიღებამ შესაძლოა მნიშვნელოვნად გააუმჯობესოს გულის ჯანმრთელობა.
გთავაზობთ 8 ძირითად მიზეზს, თუ რატომ ღირს ამ ჩვევის დანერგვა:
- ამცირებს "ცუდი" ქოლესტერინის დონეს - ნუში მდიდარია ჯანსაღი ცხიმებით, რომლებიც ხელს უწყობს უჯრედების განახლებას და სისხლში "ცუდი" ქოლესტერინის (LDL) შემცირებას. შედეგად, არტერიებში ფილაქნების (ნადების) წარმოქმნის რისკი მცირდება, რაც სისხლის მიმოქცევას აუმჯობესებს.
- ზრდის "კარგი" ქოლესტერინის დონეს - ნუში ხელს უწყობს "კარგი" ქოლესტერინის (HDL) შენარჩუნებას ან ოდნავ მომატებას. ეს ნივთიერება სისხლძარღვებიდან ზედმეტ ქოლესტერინს აგროვებს და ღვიძლში გადააქვს, საიდანაც ის ბუნებრივად გამოდის ორგანიზმიდან.
- ეხმარება არტერიული წნევის დარეგულირებას - ნუსში შემავალი მაგნიუმი ეხმარება სისხლძარღვებს მოდუნებაში. ეს განსაკუთრებით მნიშვნელოვანია მათთვის, ვისაც მაღალი წნევა (ჰიპერტენზია) ან მაგნიუმის დეფიციტი აწუხებს.
- მდიდარია ანტიოქსიდანტებით - ნუში E ვიტამინის შესანიშნავი წყაროა. ეს ძლიერი ანტიოქსიდანტი იცავს უჯრედებს ოქსიდაციური სტრესისგან და თავისუფალი რადიკალების მავნე ზემოქმედებისგან, რაც გულის დაავადებების ერთ-ერთი გამომწვევი მიზეზია.
- ინარჩუნებს შაქრის სტაბილურ დონეს - ნუში შეიცავს ცოტა ნახშირწყალს და ბევრ უჯრედისს, რაც ანელებს გლუკოზის სისხლში გადასვლას. შაქრის მკვეთრი ნახტომების პრევენცია კი სისხლძარღვებს დაზიანებისგან იცავს.
- ეხმარება წონის კონტროლში - ცილების, უჯრედისისა და ჯანსაღი ცხიმების კომბინაცია უზრუნველყოფს დანაყრების ხანგრძლივ შეგრძნებას. შედეგად, მცირდება დღის განმავლობაში ზედმეტი საკვების მიღების სურვილი.
- უზრუნველყოფს ორგანიზმს საჭირო უჯრედისით - მონელების პროცესის შენელებასთან ერთად, საკვები უჯრედისი აფერხებს გარკვეული ტიპის ცხიმებისა და ქოლესტერინის შეწოვას, რაც ამცირებს როგორც ტრიგლიცერიდების, ისე ქოლესტერინის საერთო დონეს.
- ამცირებს ანთებით პროცესებს - E ვიტამინი და ნუშში არსებული სხვა მკვებავი ნივთიერებები ამცირებენ ფარულ ანთებებს ორგანიზმში. ეს იცავს სისხლძარღვების შიდა გარსს, ინარჩუნებს არტერიების ელასტიკურობას და უზრუნველყოფს თანაბარ სისხლის ნაკადს.