აი, რატომ შეიძლება გახდეს პური სერიოზული საფრთხე ჩვენი ჯანმრთელობისთვის!
რა თქმა უნდა, გამწვანებული პურის ქერქის ჭამა სასიამოვნო არ არის, ამიტომაც შენ დაობებულ ნაწილს მაშინვე მოაჭრი პურს, ხოლო თუ დანარჩენი ნაწილი ჯანმრთელად გამოიყურება, მიირთმევ. ზოგიერთი კი საერთოდ თვლის, რომ ობი სასარგებლოც კია, ის ხომ პენიცილინს შეიცავს.
მაშ ასე, ობი, რომელიც საჭმელ პროდუქტზე ადამიანის ჩარევის გარეშე გაჩნდა, ნამდვილად არ არის სასარგებლო! როცა სოკო ჩნდება პურ-ფუნთუშეულზე, ის საკმაოდ საშიშ ნივთიერებებს წარმოშობს და ძალიან სახიფათოა ჯანმრთელობისთვის.
მეტიც, თუნდაც სულ პაწაწინა ადგილას იყოს ობი გაჩენილი, ნიშნავს, რომ საკვები მთლიანად დავირუსებულია. სოკოს გრძელი, ძაფისებური ფესვები აქვს, რომლებიც მთლიანად ედება პროდუქტს (შესაძლოა, ისინი საერთოდ შეუმჩნეველიც იყოს).
რა მოხდება, თუკი დაობებულ პურს შევჭამთ?
1. ობი – ეს ალერგენია. კანთან კონტაქტისას შესაძლოა გამოიწვიოს ქავილი, შეშუპება და გამონაყარიც კი.
2. არ შეუძლება დაობებული პროდუქტის დაყნოსვა, შესაძლოა სპორები ორგანიზმში შეიჭრას და სასუნთქი გზების დაავადებები გამოიწვიოს.
3. ორგანიზმში მოხვედრისთანავე ობი იწვევს თავის ტკივილებს, გულისრევას, მოთენთილობას.
4. მიკროტოქსინები აზიანებს ღვიძლს, ნერვულ სისტემას. ხდება ჰორმონების რეგულაციის დარღვევა და იმუნიტეტის დაქვეითება.
იმისათვის, რომ პურის დაობება ავიცილოთ თავიდან, იქონიეთ საპურე სუფთად, დროდადრო გაწმინდეთ ის. ასევე დიდი მნიშვნელობა აქვს გამოცხობის სწორ ტექნოლოგიას. ობისგან მოწამვლის შემთხვევაში, საჭიროა გულისარევა, აქტივირებული ნახშირისა და დიდი რაოდენობით სითხის მიღება.
ობი შეიძლება იყოს მწვანე, თეთრი, შავი, ყვითელი (ყველაზე მომწამლავი).
სხვათა შორის, უსაფრთხო ობიც არსებობს. მას იყენებენ ღვინისა და ყველის მომზადებისას. ის პროდუქტებს თავისებურ გემოსა და არომატს სძენს.
