იდეალური გლინტვეინის მომზადების 5 საიდუმლო, პლუს 3 რეცეპტი
გლინტვეინი – მთელ მსოფლიოში შობა-ახალი წლის დღესასწაულების ნამდვილი სიმბოლოა. ეს სასმელი ცივ დღეებში შესანიშნავად ათბობს და თავისი არომატით ქმნის ჯადოსნურ და სადღესასწაულო შეგრძნებას.
გთავაზობთ ზამთრის ყველაზე არომატული სასმელის მომზადების რამდენიმე საიდუმლოს და რეცეპტებს.
სწორად შეარჩიეთ სანელებლები
გლინტევინის მომზადებისას არ იჩქაროთ დაფქული სანელებლების დამატება. აჯობებს ისინი მთელ-მთელი ჩაუმატოთ, რათა სასმელს არომატი მისცეს მხოლოდ და მის დალევაში ხელი არ შეგიშალოთ.
ღვინო და ხილი ცალ-ცალკე
სასმელი ბევრად გემრიელი გამოვა, თუკი ღვინოს ცალკე ქვაბში გაათბობთ, ხოლო ხილსა და სანელებლებს ცოტაოდენ წვანსა თუ წყალში, ცალკე.
ბოლოს შეგიძლიათ ან ჩაუმატოთ უკვე გაცხელებულ ღვინოში გაწურული ხილის სიროფი, ან ჩაუმატოთ სასმელს მოხარშული ხილი და სანელებლები, ცოტა ხანს გააჩეროთ და შემდეგ გადაწუროთ. კიდევ ერთი საიდუმლო: თუკი გლინტვეინს კანიანი ციტრუსებით აკეთებთ, ნუ გააჩერებთ დიდხანს ხილს სასმელში – შესაძლოა, გაამწაროს.
შეათბეთ ღვინო
არ მიიყვანოთ ღვინო ადუღებამდე – ალკოჰოლი ამოქრება და სასმელი გლინტვეინს კი არა, კომპოტს დაემსგავსება. აჯობებს, უბრალოდ შეათბოთ გლინტვეინი დაბალ ცეცხლზე იქამდე, სანამ ოდნავ ბოლს არ ამოუშვებს, რის შემდეგაც შეგიძლიათ გადახვიდეთ შემდეგ ეტაპზე – გაფილტვრაზე. კიდევ ერთი მნიშვნელოვანი ნიუანსი – გლინტვეინისთვის ღვინო აჯობებს რომ იყოს მშრალი.
გაწურეთ
არ გამოტოვოთ ეს ეტაპი. გაფილტრეთ გლინტვეინი. ჯერ ერთი, ასე ღვინო უფრო გამჭვირვალე იქნება, მეორეც, სხვადასხვა ინგრედიენტი არ მოგხვდებათ სმის დროს ცუდად პირში.
სუფრასთან მიტანა
გლინტვეინის სუფრასთან მიტანასაც თავისი წესი აქვს. ჩვეულებრივი ფუჟერები მისთვის არ გამოდგება. თუკი არ გაქვთ გლინტვეინისთვის სპეციალური ბოკლები, აჯობებს გამოიყენოთ ჩვეულებრივი მაღალი ჭიქაბი. ასე კიდევ უფრო მეტად იგრძნოთ სასმლის არომატს.
ამ სასმლის უამრავი ვარიანტიდან ჩვენ ავარჩიეთ 3 ყველაზე მარტივი და ხელმისაწვდომი რეცეპტი. რა თქმა უნდა, შეგიძლიათ თქვენებურადაც შეცვალოთ ინგრედიენტები და შექმნათ საკუთარი, უნიკალური და არანაკლებ გემრიელი სასმელი.
ფორთოხლის გლინტვეინი
დაგჭირდებათ:
1 ბოთლი წითელი შავი ღვინო
0,5 ლ ფორთოხლის წვენი (აჯობებს ახალგამოწურული)
1 ფორთოხალი
დარიჩინის 2 ღერი
120 გ ყავისფერი შაქარი
მომზადების წესი:
ქვაბში აურიეთ ფორთოხლის წვენი და ღვინო, დაუმატეთ შაქარი და დარიჩინის ჩხირები, რომლებიც შეგიძლიათ დაამტვრიოთ და ისე დაუმატოთ.
შემდეგ მოაცალეთ ფორთოხალს ცედრა და დაჭერით ეს უკანასკნელი წვრილ ჩხირებად, ხოლო რბილობი მოზრდილ ნაჭრებად.
ჩედრაც და რბილობიც დაუმატეთ ღვინიან ქვაბში და გაათბეთ სასმელი დაბალ ცეცხლზე 10-15 წუთის განმავლობაში, რის შემდეგაც გაწურეთ და გაანაწილეთ ჭიქებში.
ვაშლის გლინტვეინი
დაგჭირდებათ:
1 ბოთლი წითელი მშრალი ღვინო
0,5 ვაშლის წვენი
1 ჩხირი დარიჩინი
3 მწვანე ვაშლი
50 გ შტოში
0,5 ჭიქა შაქარი
მომზადების წესი:
გააცხელეთ თვინო ერთ ქვაბში, ხოლო ვაშლის წვენი დარიჩინის ჩხირთან, შაქართან, შტოშთან და დაჭრილ ვაშლთან ერთად – მეორე ქვაბში.
როცა ღვინო საკმარისად ცხელი იქნება, დაუმატეთ მასში მეორე ქვაბიდან ინგრედიენტები და გააჩერეთ 5 წუთი, შემდეგ გაწურეთ და ჩამოასხით ჭიქებში.
თეთრი ღვინის გლინტვეინი
დაგჭირდებათ:
1 ბოთლი თეთრი მშრალი ღვინო
1 ჩხირი დარიჩინი
3 ცალი მიხაკის მარცვალი
ნახევარი ლიმონი
1 ს/კ ღია ფერის რომი
თაფლი გემოვნებით
მომზადების წესი:
გააცხელეთ თეთრი ღვინო ქვაბში, დაუმატეთ ჩამოთვლილი ინგრედიენტები. ლიმონი წინასწარ დაჭერით თხელ წრეებად.
შემდეგ გაწურეთ სასმელი, ჩამოასხით სქელმინიან ბოკლებში და დატკბით მისი საოცარი არომატით.