ბლინებით ფარშირებული ქათამი
+ N/A
ბლინებით ფარშირებული ქათამი
დრო 150წთ
ულუფა 6
სირთულე რთული
შეინახე რეცეპტი

ინგრედიენტები

  • მარილი და პილპილი
  • არაჟანი - 4 ს.კ
  • ხახვი - 3
  • სოკო - 1 კგ
  • ქათამი - 2 კგ
  • მზა ბლინი
მომზადების წესები
ქათამს გამოვაცალოთ ძვლები მუცლი მხრიდან, საიდანაც  გამოშიგნვა ხდება. დანის დახმარებით დავიწყოთ რბილობიდან ძვლების გამოცალკევება, თან უნდა ვეცადოთ რომ ტყავი არ დავაზიანოთ. ხელით კარგად შევამოწმოთ რომ სადმე თუნდაც პატარა ძვალიც კი არ დარჩეს. ქათამს ასევე ავაჭრათ გულმკერდის არეში ფილე, ხორცი დავტოვოთ მხოლოდ 1 სმ სისქეზე.

მოჭრილი ფილეები გავატაროთ ხორცსაკეპ მანქანაში.
სოკო და ხახვი დავჭრათ წვრილად და მოვშუშოთ ზეთში. ფარში და სოკო ერთად ავურიოთ და მოვაყაროთ მარილი.

გამოვაცხოთ ბლინები ცხელ ტაფაზე, თითოეულ ბლინზე დავდოთ ფარში და გადავახვიოთ მილისებურად. დავიწყოთ მზა ბლინებით ქათმის გამოტენვა. უნდა ვეცადოთ, რომ რაც შეიძლება მჭიდროდ ჩავაწყოთ, ისე რომ ცარიელი ადგილი არსად არ დარჩეს. ამის შემდეგ ქათამი გავკეროთ ძაფით,  გარედანაც ძაფი შემოვახვიოთ, ისე როგორც ეს სურათზეა, იმისათვის რომ ქათამმა ფორმა არ დაკარგოს.

გარედან წავუსვათ არაჟანი, მოვაყაროთ მარილი, პილპილი და მოვათავსოთ ღუმელში 180-200 გრადუსზე დაახ. საათნახევრით. მომზადების პროცესში, ქათამს მოასხით ხოლმე, თავისივე გამოშვებული ცხიმი. 
ბლინებში სოკოს ნაცვლად შეგვიძლია ჩავაყოლოთ  მთლიანი მოხარშული მწყრის  კვერცხები. ძალიან უხდება შავი ქლიავის ჩირიც. სურვილის შემთხვევაში შეგვიძლია ნებისმიერი ხმელი სუნელი, საკმაზი, სოუსი, მაიონეზი ან აჯიკა წავუსვათ ქათამს