ეს აჯიკა ძალიან სწრაფად მზადდება და ძალიან გემრიელიცაა. რაც უფრო ახალი, ნედლი ბოსტნეულით მოვამზადებთ, მით ნაკლებია შენახვის ხანგრძლივობა. მაგრამ შეგვიძლია წიწაკა წინასწარ მოვაჭკნოთ მსუბუქად (იხილეთ 1-ლი ფოტო ქვემოთ), მისგან მომზადებული აჯიკა მაცივარში მინიმუმ 3 თვე გაძლებს. მოსაჭკნობად საჭიროა უბრალოდ დავალაგოთ წიწაკა ოთახის ტემპერატურაზე რამდენიმე დღით.თუ ცხარე აჯიკა გვინდა, წიწაკას თესლი დავუტოვოთ, თუ არა და ყუნწებთან ერთად მოვაშოროთ. ჩავყაროთ ბლენდერში ან კომბაინში წიწაკა, ნიორი, დანაყილი ქინძის თესლი, მწვანილი, მარილი და დავაქუცმაცოთ სასურველ კონსისტენციამდე.შეგვიძლია კრემოვან მასად ვაქციოთ, ან პატარა ნაჭრებად დავტოვოთ, როგორც ფოტოზე.მწვანილი შეგვიძლია ვცვალოთ გემოვნების მიხედვით, რომელიმე მოვაკლოთ ან დავამატოთ.
