როგორ მოვამზადოთ ხაჭო სახლში
როგორ მოვამზადოთ ხაჭო სახლში
დრო 0წთ
ულუფა 0
სირთულე მარტივი
შეინახე რეცეპტი

ინგრედიენტები

  • არაჟანი ან კეფირი - 2-3 ს.კ
  • რძე - 1 ლ
მომზადების წესები
რძე ჩავასხათ სუფთა ჭურჭელში. თუ სოფლისაა, წამოვადუღოთ, მაღაზიისას არ სჭირდება ადუღება. გავაგრილოთ, დავამატოთ არაჟანი ან კეფირი, დავახუროთ და დავტოვოთ სითბოში 1 დღე ღამე. რძე უმჯობესია ცხიმიანი შევარჩიოთ, უცხიმო რძისგან უგემური ხაჭო გამოდის.
24 საათის შემდეგ რძე დამჟავდება: ცალკე გავა სითხე და ცალკე სქელი, კრემოვანი მასა.

მინიმალურ ცეცხლზე გავათბოთ რძე, მაგრამ ძალიან ნუ გავაცხელებთ. დავტოვოთ 20-25 წუთი.

საწურში ჩავაფინოთ რამდენიმე ფენა მარლა და გავწუროთ რძის მასა. 2-2.5 საათის შემდეგ მარლაში მხოლოდ მზა ხაჭო დარჩება.

პ.ს. ეს ხაჭოს მომზადების მხოლოდ ერთ-ერთი მეთოდია. ზოგიერთი მეთოდის მიხედვით, რძეში კალციუმს ასხამენ, ზოგის მიხედვით მაწონს. არსებობს ყველაზე მარტივიც: კეფირს ყინავენ, შემდეგ კი მარლაშივე ადნობენ, სადაც ხაჭოს მასა გროვდება.

ხაჭოსგან გამოსულ შრატს ნუ გადაღვრით - ის არაჩვეულებრივია ცომეულში. გამოიყენეთ წყლის ნაცვლად პურის, ხაჭაპურის და სხვა ტიპის საფუვრიან ცომში.




ტეგები:
ხაჭო არაჟანი კეფირი ნანახია: 41373