ჯამში ავურიოთ გაცრილი ფქვილი, სოდა, მარილი . ცალკე ავთქვიფოთ შაქარი და კარაქი, სათითაოდ შევათქვიფოთ კვერცხი, შემდეგ კეფირი, ბოლოს შევურიოთ მშრალი ნარევი. დავამატოთ ვანილი. გადავიტანოთ ცომი ცხიმწასმულ ფორმაში და გამოვაცხოთ 35-40 წუთი, 160 გრადუსზე. სანამ ბისკვიტი გაცივდება, გავაკეთოთ კრემი. შევურიოთ ნაღები, შაქარი, თაფლი და მწიკვი მარილი. დავდგათ ცეცხლზე და ვურიოთ. შაქარი რომ გადნება და დუღილს დაიწყებს, კიდევ 15 წუთი ვხარშოთ. ბოლოს დავამატოთ ვანილიც.ცხელი კრემი დავასხათ ბისკვიტს. გაციების შემდეგ კი დავჭრათ და მივირთვათ.
